هدیت الگلب و اعیونی ، کتمت اسراری للجونی

رضیت ابکل سهر ویاک ، وحیده ابهمی عفتونی

***

حبک والله حارگنی ، اریدک لا تفارگنـــی

منمت اللیل اعد انجوم ، واذکارک ترافگنی

***

عفتنی او رحت لل تالی ، و ابیا سبب یلغالی

بکیت ابدم علیک اهوای ، حبک شلع دلالی

***

یا گلبی او شرایینی ، یا دمع الغسل عینـی

ذکرتک والعگل ویاک ، گلّی لیش ناسینی

***

حبک تدری حارگنی ، حبیبی لا تفارگنی

طفینی ابدمع عینک ، بسماتک ترافگنـی

***

بعدنی ابگلبی انتظرک ، حملت القهر من صبرک

انت سلوتی او عمری ، امِّر و انه تحت امــرک

 

انحرمت او عذبانی البین ، واگلیبی انجسم نصیــــن

الفرح راح او بگالی النوح ، عساء لادام عمری اسنین

 

من الشاعر جاسم امحمد الجبیره الحسانی

السلیماوی الساری 20/03/1391

 

علی الراغبین اجرا الاغانی الموجوده فی هذا الموقع

علیهم الاتصال بمدیر الموقع .