قصیده قلت و قال

قصیده قلت و قال

گتله بس انطینی گلبک و اردلک

بس اشوف اسرار ذکرک واردلک

انا ازرعه ازهور لاکن واردلک

زید من عطرک علی بالمحسنات

داویات اهموم گلبی داویـــات

عایش ابسد القهر حب و حیاة

***

گتله دلینی اعلی بیتک یا لطیف

خلنی اضوگ الفرحه یمک واستظیف

گال ما داعی انتظرنی بالخریف

اشوفن اعیونک علیه غاضبات

داویات اهموم گلبی داویـــات

عایش ابسد القهر حب و حیاة

***

گتله تتروط او چنک خیزران

ما اعوفک گلبی حبک من زمان

اتگلی تانی اشلون اتانی ابیا امان

اخاف تسبگنی الذیاب الغادرات

داویات اهموم گلبی داویـــات

عایش ابسد القهر حب و حیاة

***

گال لا تتعب تری قسمه او نصیب

والجرح ما یشفی بس عند الطبیب

المایداوی ابعلته ما اظن یطیب

یضل مثلک عایش ابمای النبات

داویات اهموم گلبی داویـــات

عایش ابسد القهر حب و حیاة

***

یا نبات الما یطیب علتی

عفت کل ربعی او رفضت ابخلتی

ردت اشوف اشلون تحضر شدتی

اتصطر اهمومک علی وکت الممات

داویات اهموم گلبی داویـــات

عایش ابسد القهر حب و حیاة

***

گال لا تندس او لا تشعل حریق

احنه للصاحب گمر یضوی الطریق

بالکلام انزیل کل سد الیعیق

انظر ابعینی تجد بث القناة

داویات اهموم گلبی داویـــات

عایش ابسد القهر حب و حیاة

***

آه ما اندس واریدک دار الی

انت نجمه او بالسماء او داعت علی

لجل طیبک تارکت ربعی او هلی

گول واتدلل علی و ابگلبی بات

داویات اهموم گلبی داویـــات

عایش ابسد القهر حب و حیاة

***

گال تابعنی الحدمن مو حرام

حقک اتعاتب حبیبک بالسلام

لیش بالینی او تفکّر بالختام

اترید  تدخلنی ابسبب بالمنکرات

داویات اهموم گلبی داویـــات

عایش ابسد القهر حب و حیاة

***

گلت ما اشاغی و احبک حب غریب

اتمرضیت او جبت گلبی للطبیب

اتقبل المجروح لو عابد صلیب

استنجدونی لو اعیشن بالشتات

داویات اهموم گلبی داویـــات

عایش ابسد القهر حب و حیاة

***

گالت اعیونک خضر کلّک خطر

او نزل حبک بالگلب مثل المطر

اتاسرت و اتجمدت وسط الوفر

ارموش عینی امن المغازل ذایبات

داویات اهموم گلبی داویـــات

عایش ابسد القهر حب و حیاة

***

صحت ما اعوفن دلیلی ینجرح

اویاک اخذنی او خلّی بالی ینطرح

هسه فرحیت او ضمیری منشرح

یا هوانا امبارک ابدگ الثبات

داویات اهموم گلبی داویـــات

عایش ابسد القهر حب و حیاة

***

جاسم ثعلبی (الحسانی) 13/10/1394

03/01/2016

 

 

 

 

ابو ذیات ناعیات

ابو ذیات ناعیات

ها عوزک چفن گایل یلمّاک

ندری او کل محب ما اظن یلمّاک

اذا تمطر مطر گلبی یلمّاک

الدرب طفرات ما تبعد علیه

***

الونین ایکسّر الحاجب ولک عود

شفت گلبی انهجر بالون ولک عود

الک صیت ابطن داری ولک عود

تعال او شوف خل نشتل سویه

***

ادور عالهجرنی ابسفر و نتاه

او جفانی او بگت بالدلال ونتاه

تعال احذای اسطّر نظم ونتاه

علی العاف الصداقه او عم علیه

***

شجاک اشغیر اطباعک و لنساک

رسمت اطباعک ابگلبی و لنساک

اترکه ایحک وسط ظهره ولنساک

صبرت اسنین بس اتعن علیه

***

یچیال الغضب برمل ولک چیل

ابضلام الشمس متحمل ولک چیل

تعطّب چبدی بس عمِّل ولک چیل

احرگنی ابنار حقدک سهله الیه

***

یغور المادره ابعلتی و اناحای

ثبت حگی ابلحن جایر و ناحای

سحگنی ابعزتی او جاهی واناحای

العمر من ربک ایدر بالمنیه

***

لهمته امچتف او حایر وصبرای

کتمت او ما صبر صابر و صب رای

نبت وسط التهم قادر و صب رای

حیاة ابعز کرامه الکل هویه

***

دبج حچی الیامه انواع و اشباح

یراوینی ابندامه اتباع و اشباح

احترگت ابکل صداقه الواح و اشباح

واطفی ابنار اخوی الخان بیه

***

جاسم ثعلبی (الحسانی) 12/10/1394

 

02/01/2016

ابوذیات ذهبیات

ابوذیات ذهبیات

النفس ما گمطّیته او شاک بالهـــــاک

لهیته ایفسّر ابطرواک بالهـــــــــــاک

صرت جیره او لزگت اویاک بالهاک

تکفنی لو افلش اعضاک بــــــــــــیه

***

رفعت العزه فوگ اهواک حیّاک

ابن دیرة هلک شدّاک حــــیّاک

شتلت النخوه بالهنّاک حیّـــاک

حیّک و الوحی حاک القضیه

***

احذرک لا تخل باهلاک و انـــهاک

اشکثر قبلک لبست اجفاک و انهاک

تزامطنی او تضیع ادواک و انهاک

و اخلیک ابطرگ کفن المـــــــنیه

***

الگلب ما لحظه اظن ودّاک و اســـلاک

بالف لوعه اعتقد طبّاک واســـــــــلاک

امن اهد یوم السجنت اشفاک و اسلاک

تدهور بالخلگ سومـــــــــــــک خلیه

***

جاسم ثعلبی (الحسانی) 07/10/1394

 

29/12/2015