آه یبنی

آه یبنی

آه    یبنی   وصیتی   خلهه   تاج    اویاک

اکل   مر   واشرب    المر   لا   تعاشر  مر

الذلّه  اهوای  صعبه  او  ما  تصیر ادواک

کثره    الباع    صیته   و   الدموع    اتخر

ربّک   خالقک    حر   بالارض    وانهاک

اترجل    بالنوایب   خلهه     عندک  سر

لا   تغفل   یخایب   من   یمر   طرواک

دردر    للمحب   لو   یدر    صوبک در

اخذرک   بالغبی   لو  شفته  مر احذاک

صم   وابکم    لسانک   بالمعایب   صر

انذرک  یا   ادیب   العدو   ما  ینساک

تحذّر له  ابشهامه   ابختله  من   ایعر

لا یعرف صدیق او  من  یگول  اهواک

لتصدگه  الی  واعد   بالخطاب   ابشر

حط عینک علی الی من حظر واساک

و احترمه  ابلیاقه  الی  وفاک  او حر

اوصیک ابوصیّه حطهه  طلقه احذاک

الدّنیا  اویاک  بس لا تبلی  ناس ابشر

ساعد کل فقیر  ابوکته   کان  اشفاک

لا  تظلم  بشر  للبشر   ضم    و استر

اعیالک لا تگنط الهم او عدهم عوز

صفّی   النیّه  الهم   ابد     لا     تنغر

اکرم  و الکرم    یدلی   لک    الماجود

افتح   باب   بیتک   للعدو   و   الفر

النّاس اتعرفک ابحلمک ابعلمک عاد

الکذب  آه  الکذب   بالمحظر  ایهنبر

جاسم ثعلبی (الحسّانی) 01/03/1400

 

آه یبنی

آه یبنی

ربّیت او سهرت اویاک

او ما نامن اعیونی ابلوعتک یبنی

کصرت النوم نص اللیل

ختلانی او ضربنی ابغفوتک سبنی

لچن ما طخّن اعیونی

جلبت العود بین اجفونهن حبنی

او کبرت او صرت شاطی او روج

اسهام اشراع موجک بلکبر ذبنی

اظن ما ینکر الصیّاد

یو الشاف شمسیتی اعلی راسک حاط چذّبنی

شتلت الطیب بعروگ النخل والگاع

خلی المای بسماته تعاتبنی

او خل شمس الضحی تتعلی عین ابعین

تربی اعلی الشماته ما تصاحبنی

او خلی السماء السابع ینظر الممشای

او خل انجومه تزهی او ما تشاهدنی

انه الکتبیت حبّی ابکل گلب بالنور

الذهب فرحان بسمه من یباوسنی

تعال او شوف فستان القصیده اشباچ

و ابشط الندامه سمچ حاسبنی

صرت ماکول مذموم او لذید اهوای

زین او شین گلبک لا تفارگنی

جاسم ثعلبی (حسّانی) 08/03/1392