ابوذیّات هاجرات

اشتظن حچیک دفــن ویای هاجر

او نسیم الحب رهن لهوای هاجر

اشتـــــرید اتلومنّی اببلوای هاجر

الطیر انصـــــاد ما یرجع علیّه

***

حبیبی اجفاک دهورنـــی و سلنی

سجن صارتلی فــرگاتک و سلنی

الدمع دم یجری بخدودی و سلنی

ابشـــکل ورده انطبع یسقط بدیّه

***

هواک اشگد عذب بـــالعگل بشفاک

مریض او طبببانی او طبت بشفاک

شباب ارجــــــع اذا واعدت بشفاک

اشحال الشبگه لـــــــو تهدیهه الیّه

***

ثلاث امن الرجـل خصلات کلفات

النجابه و الـــــوفاء بینات کل فات

العقیده ابحکمه فـی الایات کلفات

تصیر اسنـــــــاد و الجنّه ابهنیّه

***

یگلبی لا تهم بـــــــــالراح والفات

انعجد بابتوتک الف آهّات والفات

العریضی ایجدد الهدگات و الفات

نسیت الفات و اعمــــــــالی بدیّه

***

تعــــــــــدّل للکتم سرّک و جاراک

خصوصاً لو کرم برّک و جاراک

کفالک مـــن الم شرّک و جاراک

اعز مــــــــن الاخوا لو ثخن فیّه

***

جاسم ثعلبی (الحسّانی) 04/09/1395

 

24/11/2016