ابوذیّات اسرار الحیاة

ابوذیّات اسرار الحیاة

اخیّط بـــــــــــــــالجرح و انعاب ماطاب

و احس گلبــــی انظرب مرزاب ما طاب

اعلی روحی الفرح خمس اسنین ما طاب

الــــــــــــحزن و الهم لفانی او عم علیّه

***

کتب ومضه الزمان اویای هدنه

او علی حب النبض بچلای هدنه

اظن اهوای صـــار ادوای هدنه

الدوا لــــــو ضاع تلفانی المنیّه

***

انرسم بالضن هــواک اویای سرنه

او علی درب الخطر بالمای سرنه

یفرّحنه النسیم الــــــــــجای سرنه

و اشوفک بـــــالحلم مجبل علیّه

***

ارید اقســـــــــــــم قسم بالقلم و ارباک

ابتدیت اویاک صــــدقه ابالم و ارباک

دخل بینه العریضی اوابنغم  وارباک

شتمنی او ذمنی بــــــــاعمال الردیّه

***

من هو الشال سیفه او قصد من سال

هودج طاح دمــــــــع العین من سال

صمدنه او مـــا یهزنه الالم من سال

یهزنه الاخــــــــو ینبش تحت اخیّه

***

نخیتک و افتخربــاسمک و نخواک

شجاع او سامـــع افعالک و نخواک

استمع بشعاری سمّعتک و نخواک

اطرش صــــرت لو عفت الخویّه

***

الگصد بیت الکرم حــاقد ولک ثور

یطوب اعلی الهدم دارک ولک ثور

الناس اتدمّرت مــــــاتت ولک ثور

الشعب محتاج لـه انضحّی سویّه

***

سلوک البیه رده جــایر و شر بیه

غصب عنوان بیت اهلی وشربیه

یحرّض بالاخو ضدی و شر بیه

یعــــــــــــــادینه او یهدّم بالثنیّه

***

یگلبی اتون علی الشالوا علی امنه؟

تسولف زیـــــــــــد بکتابک عِلمنه

جبل و اتوسّد ابراســــــک علمنه

او تخلّی الما یشوف ایشوف بیّه

***

جاسم ثعلبی (الحسّانی) 19/01/1396

 

 

 

 

ابوذیّات # مرهقات

ابوذیّات # مرهقات

الزعل مـــــــــا ینلبس للبشر و نساه

ولا حچی الـــــــــدفن ینعجد و نساه

وحق الّی اسجدت له الجان و انساه

کــــــــــــــلام الیشفی للخالق هدیّه

***

الزعل مــــــا ینتسب للبشر زینه

او کـــــلام البیه رده للناس زینه

الشجاعه و الکرم و الادب زینه

تهدّه اویه الخلگ و اکسب تحیّه

***

ابو الـــــــطیبات یشتل فرح بسمات

التحبّه الخلگ عگله انشرح بسمات

ابجفاه حبل المـوده انطرح بسمات

اذا ینـــــــــــــــگطع تلفاک الاذیّه

***

الحمّل مــا ینعدل بالزعل و المال

الکره لهل الحسد ینتسب و المال

یوم الّا یفید الـــــــــــولد و المال

تفید اعمالـــــــک او حر بالدنیّه

***

اشعلامک ما تعرف اعداک و الفاک

الحنین او یخطر ابــطرواک والفاک

ما ملّیت مــــــــــــن انهاک والفاک

تحــــاورنی او تذب ضیمک علیّه

***

البشر کـــــــل ما کبّر بالعگل یعقل

او شرف زاد العگل عالراس یعقل

الجاهل لـــــــــو کبر بالجهل یعقل

جهنّم یصبح او مــــــــوته ابردیّه

***

احــــــــــذرک لا تهین البشر تنضر

او وعر موتک قریب ابخطر تنضر

تعادی الخالق اویه الــــــدهر تنضر

یهلکک و اعتبر مــــــوته ابردیّه

***

جهنّم عیشت البیه رده و اهــــلاک

گمر واکشف لک التعبیر و اهلاک

الادیب ایعاتب اهله ابسترواهلاک

یزرع طیب او یحصد شـــر اخیّه

***

حمل غیض التکرمه ابادب و ایخون

مثل طبل الضبوح ابحرب و ایخون

علیک ایلملم اهـــــل الغدر وایخون

او یکردس بـــالکذب ضیم او اذیّه

***

جاسم ثعلبی (الحسّانی) 16/01/1396

 

 

#ما تجوز

شعر هرمی ثوره ضد الاستکبار

#ما تجوز

ما تجوز او ما تجوز

ملّت ایدی من کثر نصب الرموز

انت ابو اقرانین شایل والله عایل دل نسوز

ابکذب تتمرحب علینه تدفن الوعده اب سه روز

حمل شایل ضیم گلبی او یا ذنب گلّی ارتکبته ابگصتی بوز

انت خایف

لابد ابسد الصرایف

تدرس ابهم الکتلنی ما هو طایف

بیتی شمعه او عینی دمعه او ذاتی لمعه و انت حایف

یا تمر گنطار خدهه الجنّه عدهه او حبّی سدهه امی ما باعتنی سایف

سلّم النه

ذمنه ما یثگل حملنه

گول مهما اتگول کذّب بعده ما نایخ جملنه

والنخل بعثوگه یشحن کلنه گمنه و الله ینصرنا اباملنه

والمطر ثلثینه دمعه و الجرح بشفافه طایب ایضمّد اویشفی ابعزمنه

اتگول بسکم

انتم النه و احنه الکم

بالزمور انصبّح انفلّش زلمکم

او بالرعید الجای من الغرب یهذی قتله بدکم

الله خالق قسّم النه ابکل محنّه انموت و انطشّر سلفکم

اتجمعینه

باسم رب الوطن کلنه اتوحدینه

یا محمد زد عزمنه انت مقصدنه او نبینه

و ابوفاضل سال سیفه النصرت احسین او علینه

کلنه مرسوم الشهاده النصر والتحریر قادم علی الثوره اتدربینه

شعر #هرمی من ابداع جاسم ثعلبی (الحسّانی) 16/01/1396

 

 

غزل توصل نوبتک

غزل توصل نوبتک

توصل نوبتک واتگول انا الغلطان

یالبایع ضمیرک لا تواسینی

تبوس ایدی او تدحلب مثل یوم الجیت

انصحک و انتبه بالک تعادینی

تذکر من بچیت او طخطخیت الراس

خایف ترتعش یایابه دلینی

تذکرمن گلت صیت المضایف بیک

اصیرن لک عبد وابهمی سلّینی

او تذکر شردتک و اجروحک اودم بیک

ابزجاجه اتهدّمت عالهامه ها عینی

چا وینه البطل وینه اندفن مسموم

وین ابنه او حماته لا تاذینی

تقصد ذاک چان ایکردش العضمان

او شهرتّه اعماله او جفّه حاچینی

لو انت التخون ابنعمت اهل البیت

او تطشّرها عنب لضباع ترمینی

اگولن لو تسد السانک المیشوم

اکرهک و الله اکرهک لا تبارینی

کرهتک مانی منّک لو تغیب الروح

علی الدنّس سفرته صعبه تنخینی

وحق احسین ذاک الّی انکتل عطشان

ما اتسمّی بیک او لا تعازینی

بس خلیهه سکته الهادی و الغفلان

سواعد دهسته من ضربت ایمینی

ایدک لا بلت یا سبع یابن اسباع

کسرت المعتدی او بیدک تحنینی

جاسم ثعلبی (الحسّانی) 13/01/1396