دارمیّات ترحیب

اهلاً و سهلاً بیک و اهلاً بــــــالویاک

ابگلبی عهد مکتوب ما ضنتی ینساک

***

اهلاً و سهلاً بیک یــــــــــا محله بالضیف

جیتک فرح و اشواق و ارانی فی الطیف

***

اهلاً و سهلاً بیـــــک یمنوّر الدار

یتهنه للطیبین گلبی امن امس طار

***

اهلاً وسهلاً بیک یـــــــــالقاصد احباب

جرح الگلب مفتوگ من شوفتک طاب

***

اهلاً و سهلاً بیک سیّر علینه

واگف عمد بالباب لمن تجینه

***

اهلاً و سهلاً بیـــک و اتمنّه اشوفک

ساب الگلب چندوب ساکن حروفک

***

اهلاً وسهلاً بیک یــــــــــا نور العیون

هم تدری هم سمعیت بیک آنه مجنون

***

اهلاً وسهلاً بیک یـــا درّه یا طیف

شایف خیال ابلیل بیه رحّب الضیف

***

اهلاً وسهلاً بیک یـــــــالمعتنینه

نحزن حزن یعگوب لوما تجینه

***

اهلاً و سهلاً بیک یــالشوفتک عید

کل الخلگ شمّات غیرک فلا ارید

***

اهلاً وسهلاً بیک هـــــــــل رفّت العین

رسمک ورد مشتول و امخضّر ابطین

***

اهلاً و سهلاً بیک یا گهوه یا هیل

الدلّه والفنجان و امــخدّره اتسیل

***

خلیهه جیر ابصوف یا شمعه وابلیل

ابساع اشوّر بیک لـــــــو بیه اتعیل

***

 

جاسم ثعلبی(الحسّانی) 06/09/1395