چوبیه : یا ولفی اویای اشسویت

چوبیه: یا ولفی اویای اشسویت

هب یا نسیم الفجر دلالی ماذینی

عالواعدانی او جفه محد یدلینی

یا ناس ضاع الفکر ضل الگلب محتار

گاضی نهاری انتحب او بالیل اشب ابنار

دایم تجی الخاطری ما لحظه ناسیهه

ابعید الدرب یا خلگ و اشلون امر بیهه

نام السمچ بالبحر ما نامن اعیونی

غمضّت گوه الجفن و انکشفن اضنونی

یا ریت محبس ذهب ما خذنی ولفی اویاه

لاخر عمر بالسجن یصعب علی فرگاه

داره بگت خالیه و اصوره تذکاری

شد العزم و ارتحل ما حن علی جاری

***

یا ولفی اویای اشسویت ، و ابنار الفرگه احترگیت ، و ابنار الفرگه احترگیت

لا ودعت لا حنّیت ، شوف العشگ تالیه ، هذا العشگ تالیه

***

یمدلل شنهی الغثاک ، و الدار الغربه اشوداک ، والدار الغربه اشوداک

من عذّبک من داعاک ، جاوب للحب اشویه ، جاوبنی ارجوک اشویه

***

شایل غصب لو سکریت ، او من باب اهواک اتعدیت ، او من باب اهواک اتعدیت

گلبک ما حن چا رجعیت ، یو رایح تلقی الجیه ، یو رایح تلقی الجیه

***

واعدنی ارسلی اخبارک ، چویت اگلیبی ابنارک ، چویت اگلیبی ابنارک

من علمک من دارک ، ترحل و اتدگ چوبیه ، ترگص واتدگ چوبیه

***

جاسم ثعلبی (حسّانی) 15/10/1392

 

 

تابعته حدر الجسّر ( چوبیه )

 

 

واعدته حدر الجسر تانیته ماجانـــــــــی

عنوانه بعداه علی ابیّته مدلانــــــــــــی

هاجر ابعید الولف خلانی بحزانـــــــــی

بفراگه ماضل صبر ادگ و الطم امچانــی

***

الشعر طالع کشف راکب الســـیاره

و العین ساعه یخی و الوجنه منظاره

یقتل ابلا مرحمه بس ربی ستّــــاره

قتل الشباب هاکذه ما تنحسب شاره

***

تابعته حدر الجسر ما رضا ایحا چینی

ابعد اولا تقترب یبویه گلبه ینادینــی

ناری دوت بل چبد منهو الیطفیــنی

شمس المضویه قدت یا ربی سلّینی

***

حببتک و انت اصغیرون

خلّیت اگلیبی مجنــــون

کبریت اوگمتو اتزعلــون

لاتتدلّل علیـــــــــــــــه

***

یسّمر عینک علیــنـه

شنهی السبب حاچینه

لا تتمختض مربینــــه

ریّض لل حب اشویــه

***

حدر الجسر تانیتــک

و اگف واتناظر جیتک

اعطینی عنوان البیتک

خنت الوعد و الجـــیه

***

واعدته او ما وفّانـــی

و ابیته ما دلاّنـــــــی

و اگف عمد خلاّنـــی

کصرت ارکب رجلیه

***

گلت احبک ما انســاک

او ضایع کل تعبی و یاک

من حزّمک مــن و زّاک

او تشرب من خابط میـه

جاسم امحمد الجبیره الحسانی الساری 02/04/1391

 

 

لابس النظاره ( چوبیه )

 

 

طابگ تراچی ذهب ، او لابس النظــاره

یحرگ اگلوب البشر ابعینه السحــاره

یقصف ابرمشه الگلب و ایدمر افکاره

الله و اکبر نشف دمعی ابجـــــــــراره

***

ولک لا تبتعد یا گمر ضل نوّر ادیـــاری

حبک نبت بل چبدوا نفجرن اشعـــاری

اریدک تحط بل گلب وا تطفی ابنــاری

الله و اکبر نبذ کل صبری و اطـــــواری

***

دگ الگلب من شافچ ، حب الرمان اشفافچ

کلمن حبچ ما عافچ ، یترحب لچ لیلــــــیه

***

یسمر شلیت احوالی ، یل کلّک عندی غالــی

ما تدری اشصار ابحالی ، من تبعد منی اشویه

***

ارجوک ادّنه اخذانه ، شاب الگلب بحزانه

تدری ابحبک عافانه ، من امراض المنسیه

***

یا ورده او خیزرانه ، یلّی حبچ جــــنّانه

وسط الدرب عافانه ، عطشان ابهل برّیه

***

محتار ابحبچ ضلّیت ، او کل لیلی ابذکرچ سهریت

ابدرب العشق ماملیت ، وا محزم بل خاچــــــــیه

***

البیض ما تدری اشماله ، یمشی مشی الغزاله

یتمایل شعره او حاله ، والگذله اتدگ چوبیــه

***

طر الشارع یتلافت ، و الروح ابگلبی خافت

الله الیستر من طافت ، ما ثبّتت رجلیــــــه

***

هب الهوا و امزند ، و الدم یتنا گط بل خـد

رمانه ابسدره امحدد ، هیعونه الشمه اشویه

***

راح او خلانی ابفکره ، و الروح اتنوح ابذکــره

ضلیت اشتم بس عطره ، عافانی ابهل شرجیه

***

یا جاسم گلی اشسویت ، من العشگ ما ملّیت

ما لوم ابحبی اتاذّیت ، ما کو وفا ابتالــــــــــیه

 

لل شاعر جاسم امحمد  الجبیره الحسّانی السلیماوی الساری

30/03/1391