ابوذیّات ناحتات

ابوذیّات ناحتات

الزلم   تعرف   نسبهه   من عگلها

ابنطقها اتشوف رحمه من عگلها

شاهد      بالکلافه     من عگلها

تشد  ارکاب   و   اتحارب منیّه

...

البشر  ینکشف   صیته   من نحیته

او تحس یعطف  ابجیته من نحیته

یظل   طابور   صامت   من نحیته

یقدر   البیه   وفه   و البیه حمیّه

...

الشهم من یهدر ابدوله و العگال

یلف  الشینه   بشماغه  والعگال

مثل و  النّاس  گالوها  و العگال

الیحل عجدة  فتن صاحب ثنیّه

...

الرزق من اللّه کاتب لک وعدلک

ابسر مختوم من  صدقک وعدلک

اتباهه  ابعایز   اعیالک  وعدلک

الیسر  اهله  یزیده  الرب وجیّه

...

روحک   لا    تذم    بیهه    وجرها

و  ابوکت   النوم   حاسبهه وجرها

اغسلهه   ابذکر   خالقها    وجرها

الگلب من کیفه یصفه امن الاذیّه

...

یضل    موگد    هوانه   من اذانه

او توصّی الگلب عایب من  اذانه

الجمل  گالوها   یعرج  من اذانه

اشّایف  منّی  و   امسودن علیّه

...

منایا او  تامر اعلی  الرگد  بالسف

الیسف ایسیف والما ساف بالسف

توّلانه   الدهر   رشگات  بالسف

الطایح   طاح   و   الگایم   رمیّه

...

یگلبی   ون   علی   باوتار   بالعود

او داعی الزمن   یرجع  عمر بالعود

یدهری اشما جنیت  اویای بالعود

اشیعد  و  الجایّات  اصعب  علیّه

...

المو  گدهه   یصوفر  ورد شتله

الهزم عدوانه  بالحد  ورد شتله

ابطن گلب  النوایب ورد شتله

و ازرعه  نخل بچتاف الخویّه

...

جاسم ثعلبی (الحسّانی) 31/02/1400

آه یبنی

آه یبنی

آه    یبنی   وصیتی   خلهه   تاج    اویاک

اکل   مر   واشرب    المر   لا   تعاشر  مر

الذلّه  اهوای  صعبه  او  ما  تصیر ادواک

کثره    الباع    صیته   و   الدموع    اتخر

ربّک   خالقک    حر   بالارض    وانهاک

اترجل    بالنوایب   خلهه     عندک  سر

لا   تغفل   یخایب   من   یمر   طرواک

دردر    للمحب   لو   یدر    صوبک در

اخذرک   بالغبی   لو  شفته  مر احذاک

صم   وابکم    لسانک   بالمعایب   صر

انذرک  یا   ادیب   العدو   ما  ینساک

تحذّر له  ابشهامه   ابختله  من   ایعر

لا یعرف صدیق او  من  یگول  اهواک

لتصدگه  الی  واعد   بالخطاب   ابشر

حط عینک علی الی من حظر واساک

و احترمه  ابلیاقه  الی  وفاک  او حر

اوصیک ابوصیّه حطهه  طلقه احذاک

الدّنیا  اویاک  بس لا تبلی  ناس ابشر

ساعد کل فقیر  ابوکته   کان  اشفاک

لا  تظلم  بشر  للبشر   ضم    و استر

اعیالک لا تگنط الهم او عدهم عوز

صفّی   النیّه  الهم   ابد     لا     تنغر

اکرم  و الکرم    یدلی   لک    الماجود

افتح   باب   بیتک   للعدو   و   الفر

النّاس اتعرفک ابحلمک ابعلمک عاد

الکذب  آه  الکذب   بالمحظر  ایهنبر

جاسم ثعلبی (الحسّانی) 01/03/1400

 

علی الدّنیا السلام

علی الدّنیا السلام

الوکت   عرّس     علی   و  الشامت    الزافوف

عرس    لا    مو   عرس    نار    او     دوت بیّه

خطبنّی         المنایا      امحنّیّات       اچفوف

او      تهلهلّی     المصایب      تدگ      چوبیّه

کاتلنی     الخجل    و     الغیره    و   المعروف

اضل    ساکن      خیالی     او    اون     لیلیّه

ما     نامن     اعیونی    بالجروح       اتروف

اطربت    وی   حبّی    محصولی     الابوذیّه

ما    اشوفن   عرف  بالدیره   کلهه    اضیوف

گاطفنی         الزمان      ابروضه       منسیّه

هچع    دگ    الحبایب   صایرات     اصفوف

و المعرّس      دلیلی      ابهوسه        شعبیّه

ختلت   اوی   البریج  الیلمع   البیه    خوف

علی   الدّنیا    السلام       امن      العبودیّه

رکّبت     الصبر     دگیته    بس     مخطوف

علی     امتون      المعاجز     شگ    بلاویّه

اشوف    الدّنیا   ظلمه   و  الیحوف ایحوف

ماشیت       الگمر       لبّسته       خاچیّه

کشف   کل   ذکریّات   السمچ   والطاروف

صاد       اهموم     گلبی   ابکل     معانیّه

مو   بالحلم   ظاهر    کسّریت     احروف

علی    اعناد     الیخل     تنزل    مبانیّه

مو کارت حچی امحزّمهه صوف ابصوف

و لا  چلمت   بشر و    ابذاتی    مرویّه

یجی  یوم  الفلاح  او  نکشف المکشوف

او تجول  اهل  العزم  بارسومی محمیّه

شربت  المر  حنین   امتابع     المنسوف

الیضوگ  المر   یضوگ   الحلو     تهنیّه

ماطولک   عدل   اعمل  عدل  وتشوف

رب   الخالقک   ما    یغفل      اشویّه

جاسم ثعلبی (الحسّانی) 02/03/1400

 

 

 

ابوذیّات اطوار و ادات

ابوذیّات اطوار و ادات

سر   البیه   اذه   للخلگ   مطری

الیضر  البشر  من   الحشر مطری

اشو مختنگه دنیه  اشبیچ مطری

او  خلّی  ایخضرن  النهتات بیّه

...

الدمع یجری علی الوجنات من هل

او عنبر عطر  شمّه ابشوگ من هل

احس  بالفرح    بالدلال    من هل

هلی   لو  من   هلک   عابر علیّه

...

شوگک   باچ     والحگ    سنه سنه

گمر   یزهی     ابجبینه    سنه سنه

کبر    یعمی     ابشراره    سنه سنه

عمه اعیونی او یشع  منوی ابردیّه

...

مصیبه او زیجه فکّه منفتح لی

ابشوگه او نار کبری  منفتح لی

گفل   گلبی ابمودته منفتح لی

ابفتحته   اتحیّر   الحداد   بیّه

...

نظرنی او خل وجودی ساعه عینه

او طحت عانانی ذایب ساعه عینه

وجنته  اتنور   تلهب   ساعه عینه

او   سدره   اتگول  نجمات الثریّه

...

انگفل   گلبی  ابمحبتک   ونت جاری

تبعتک      مالحگتک     ونت  جاری

ردت بوسه  امن  اشفتک ونت جاری

انتاجی   اصور   واطفّی  النار    بیّه

...

تبعتک    واعتنیتک     من هویتک

او عرفتک  بدر و اتشع من هویتک

امن اهد یوم العرفتک  من هویتک

گلبی  ابنار    داوی   او  حن علیّه

...

صرت   لاعب   ابشوگک  ونتناده

الگلب   هام   الوصالک  ونتناده

اود   اگعد     اگبالک    ونتناده

او تفسّر لی اشوکت نلتم سویّه

...

شرار   اعیونک   ایدث غضب مهلاک

ابعجل وضّح لی طبعک سرب مهلاک

اخاف اعلیک جنسک  ذهب مهلاک

دخیل اللّه اهتدی او رد روحی الیّه

...

فتل  لو  نحت  شفتک   من لحهه

او شهد  یمطر مصایب من لحمهه

یهیعونه     الیمصهه   من لحمهه

او یودع اهمومه و ایموت ابهنیّه

...

ظفر  شد    الگصایب   شمّراهن

علی اچتافه او نشرهن شمّراهن

یحس بیّه  ابعذابی   شمّه راهن

یعذّبنی  او  دلع  یطلع    علیّه

...

مدری انظر حرم صیتی مداراک

صعب حبّک نزل گلبی مداراک

تدوّر   للزعل  تجمع   مداراک

وانا جنّه  او  ربیع اتکون الیّه

...

امن اشوفک چوبی ادگ چن عرس ولفاک

ابطن   ضرعانی   افرسک   فرس   ولفاک

هل    یقبل   ضمیرک     تضر    ولفاک

الیخون   اهواه   یذب   روحه   ابردیّه

...

اسیاد   احنه     ابنسبنه    من تسبنه

او    علی  الکرار    جدنه    منتسبنه

اشیدش چیسک   یظالم    من تسبنه

اچّم  من  ساب   قبلک    سب نبیّه

...

الوکت   والواه   غزونه    سلهمنّه

اعتدوا   عالبر    اذونه     سلهمنّه

الذنب شنهی او  جفونه سلهمنّه

اسلام  او شیعه واصل الجعفریّه

...

حبیب او قصر شوگک ونت سلّم

تود  ندفن   غضبنه   ونت سلّم

عساک  ابخیر  یشگر ونت سلّم

عزیز او  شوفتک  تصعب علیّه

...

تگلّب   تحفر    اتطم    ونکرتنی

او  صرت   نکره   یظالم  ونکرتنی

نسیت  اربای   یسمر   ونکرتنی

او تحل شعرک یم  المنعاک الیّه

...

حسافه  العمر   خلّص  صبغ شعرای

او نهیتی انغم  علی  بطوار  شعرای

اعلی عکّازه انتچی ابممشای شعرای

او  نزعت  اثیاب  حب  الخان بیّه

...

جاسم ثعلبی (الحسّانی) 30/02/1400

 

دروب الجنّه

 

نصایح ارویک واجعلهنَّ مسلکاً

التهم الحکمةَ ایّها القاری الکریم

خمسةَ یعرفنَّ و جرّبهنَّ مسلکاً

تبّحر فی خلقت اللّه الباری العظیم

الشجرةُ تُعرَف باثمارها منهجاً

و المرأةُ عند افتقار زوجها السلیم

و یُعرَف الصدیقُ عند الشدةَ مفرجاً

و المومن عند الابتلا بصبرٍ حلیم

و الکریمُ عند الحاجة مطیعاً مُدرجاً

و التواضعُ  یرفع العلماء  امرٌ رحیم

و المالُ یرفع اللئام فی الختام مهلکاً

و الصمتُ یرفع الزلل فی اللفظ مدیم

والحیاءُ یرفع الخلق و النسب عادتاً

و الهذلُ یرفع الکلفه بزّی الندیم

و الاستغفار یاتی بالرزق مسبقاً

و غضّ البصر یاتی بالفراسة سلیم

و الحیاءُ یاتی بالخیر ضاحکاً مبشراً

ولین الکلام یاتی بالمسألةَ مقیم

والغضبُ یاتی بالندمَ عابثاً مبرجاً

و لین الکلام یصرف الغضب السقیم

والاستعاذةَ تطردُ الشیطانَ مضرجاً

و التأنّی یصرفُ الندامة الفهیم

و امساکَ اللسان یصرف الخطاء بارزاً

و الدعاء یصرف شر کل شیطانٍ الیم

و ابن البارةَ و الزوجةَ الصالحه مسنداً

و الصدیق الوفی و الجارُ المومن النعیم

و العالم الفقیه لاصلاح ذات البین نابقةً

و الصحةُ نابضه برغد عیشةٌ تدیم

والسفرُ بحسن الصحبةَ ناجحاً مشرفاً

و الجمالُ بحسن الخلق یستقیم

و النومُ براحة البال والامالُ معزفاً

و اللیلُ بذکر اللّه قولٌ وسیم

فامشوا فی طلب الرزق جاهداً

فاسعوا للصلاة بذکرٌ حمیم

و سارعوا للجنةَ سادتاً و قادتاً

ففروا الی اللّه السمیعُ العلیم

جاسم ثعلبی(الحسّانی) 12/04/1399

 

 

 

 

نسیم الهوی

 

سافرت و انت اعلی بالی اتألمت بالذکریات

و انا معطوف اعلی عینک و انت شارد منّی شات

فکّرت تعطف علیّه و انا کاتلنی القهر

اتأسفت عینک جویّه او حاسم امرک بالسفر

وین تالیتک یولفی الفرگه ما تعرف حبیب

نار کبری او ما تکاسر وانت معطوف او غریب

یا دهر عینک علینه حبهه جنّه او مشترینه

صعبه لو تسمع شچینه حبنا مات ابین ادینه

امسافر الیاحد ترانی انکسر گلبی او عگلی طار

مرت ایّام او لیالی مانی نایم و انتظر یم المحطّه الکل قطار

گلبی فرحان ابکلام البیه محنّه وی نسیم الهوی یتمرحب علیکم

انتم ابعدتم علینه ابیا مدینه اتمرمرینه لو تجونه لو نجیکم

فکروا بینه اللیل اذا ما مرعلیکم ما یمر بینه او یجینه

لو ترجعون الامانه او گلبی عدکم لو تضل روحی سجینه

انتم الدنیا او مصابیح المودّه انتم النفس الذی یطلع و اذا یرجع نرده

ما تجونه. لا تجون او باب مفتاح العشگ مریود اسده

امسافرین امسافرین ما درینه اعزاز عدکم مادرینه امعذّبین

جاسم ثعلبی (الحسّانی) 13/04/1399

 

انسه حبنه

 

الحد من هالعذاب اویای ، الیاحد و انت ناسینی

ونیت ابلیالی السود، لمن وشل دمع عینی

***

انکسر گلبی او صحت هیهات، او سمّعت العدل والمات

ما ادری الزمن یا صوب، بالامه یودینی

***

تعبان او سهرت اللیل، او ضیعت الفکر والحیل

کل لحظه او صحت یا ویل،اکلمک ما تحاچینی

***

تمنّیتک تعود اردود، او ریت الذکریات اتعود

اذکرک و الدرب مسدود،احس گلبک یبارینی

***

ارید ابعد و اعوف الدار،و اطیرن ویه طیر الطار

حبک شعل بیه النار،چا یمته تطفینی

***

رمش عینک رمانی او طاح ،نابت بالچلاوی ارماح

انجرحت او ضاع منی الراح،چا وینه الیداوینی

***

لا تتخیّل انت احذای،انسه حبّک انت اویای

احرمنی امن الهوی و المای،اترکنی او لا تأذینی

***

جاسم ثعلبی(الحسّانی) 11/04/1399

اکتم حب

 

انت الی کتلت الحیه و الناطور

تهددنی ابکلامک ما تداوینی

تدعینی او تحوف الگلب واتباریه

مثل المای تشربنی او تبدّینی

ما ادری ابغرامک ینسف الخطار

طلعت انت البری او عایز تهدّینی

تبچی ادموعک اتصب عالوجن نهران

ما ادری السبب شنهی او تبرّینی

العشگ دگ باب بیتک و العگل ناطور

شریته ابعزف عینک لا تحاچینی

المرود دخل جفنک و العیون اوساع

کحّل عین حبّک لا تسمّینی

العشگ لو دش گلب ما یطلع ابترحاب

لمن یشتفی او یشبع بعد عینی

خلینی ضحیّه او لا تهد اردود

انت الحابنی او انت التبارینی

اکتم حب یضیفک و انت عودک حار

سلمنی اعلی گلبک لا یأذینی

جاسم ثعلبی (الحسّانی) 13/04/1399

 

هوسات عرس

 

الشعر ضل یفتر اگبالی القوافی اتشاطر ابطوره

عزیز امعاشر الخوّان لجله اصحابه مسروره

گمر یزهی ابتوالی اللیل الحکمه ابسدره منثوره

یستاهلهه او هوّسناله

***

حبّیته او سکنت اویاه شاطر و الگلب بیته

سمعنه امعرّس العرّیس شاعر والنظم صیته

سید خادم اهل البیت یستاهل او ماشیته

امعدّل واللّه امعدّل ربعه ایعرفونه

***

سئلت البلد یا هالناس لیش الدیره فرحانه

سمعت الصوت بالتکبیر امعرّس شمع دیوانه

تاج الراس یا محفوظ گمر و امضوی جیرانه

شدیت الهوسه ابخاچیتی

***

بزغ نور الشمس بالگاع او صارت جنّه دنیانه

الشارع ممتلی ابهوسات مجموعات فرحانه

السبب عرّس بطل مهیوب او بیه ممتازه صدقانه

امدلل واللّه امدلل و انت الملزومه

***

اهلال او یشّع ابوطن ها لو تردی زی العرب

انت قدوه الکل شباب اتعدّی عیلات ابنسب

احنه معدنّه السلامه اوبالسلم صحنه ابادب

بالدیره الغیره انباهیهه

قصر الحکمه او نگعد بیهه

من ربنه العلوه انساویهه

من طاف الشر ما طخ راسه

***

احنه من امت محمّد احنه تربیت الاسود

او علی بیت الذل حشاکم گلنه اصلاً ما نعود

نحترم جیران اهلنه حتّی لو کانوا یهود

المعیار التقوی او رب الکون اموصّیهه

***

دگنی بالهاون کحل خلینی بس اشتم هواک

انا ما ناکر العشره امقصّر الّی ما نساک

انت ورده او عندی تزهی او هسه ذبلان اشلفاک

لو اموتن ردتک دفّانی

***

ردت اوصلّک رساله ابهوسه منظومه او عتب

اموت گبلک و افدی روحی لو شفت موتک گرب

گلت لو مطلوب اوفّی هایه سنتنه العرب

حط ایدک بیدی او عازیهه

***

یا هله ابشیخ المشایخ یا هله ابکل الرفاق

امعرّس او لابس عباته و العگال اعلی الشماغ

الوحده مکتبنه الاساسی نمسح الذل و النفاق

یالمالک عز مالک هیبه

***

صیح ابصوت عالی او فوت خل یسمع الحسّانی

ما نرکع ابد هیهات و ابکل ضیجه تلگانی

سیدنا علی الکرار البیه تتسمّی ضرعانی

للذل ما نرضخ واحنه الشاهد شهّدناه

***

یا هله ابعریس اخوته او یا هله اباصل او نسب

های الک ورده او تحیّه او هوسه مسکوکه ابذهب

ربی اتعیش ابحیاتک عیشه طیبه ابکل ادب

مندوم الدگ رمحه ابعینی

***

ارید احچی حچی بیه نار وارد اشعل الاذّانی

ما اطخ راس للخنّاس ولا یتسمم السانی

عرس عندی المنایا اوسام و الصعبات میدانی

کل ریح الیصفن و المات ابیومه

***

هب ریح الشمال او عاد برض الفخر صیوانه

حید او راکب اکحیلان بیت المجد دیوانه

تاج الراس بیده الطاس بیه تندحر عدوانه

دمه ایخر من شاطر سیفه

***

جاسم ثعلبی(الحسّانی) 10/04/1399

 

 

 

 

 

ابوذیّات بگیت ابحزن

الی رب و الی صدقه و الی دین

الیضدنی کسّر اعضامی والی دین

یبو توفیق دگ  حملی والی دین

توفّی لو تضل مطلوب الیّه

***

الیضدنی ابنار حرگانی و جرنی

او بگیت ابحزن متهنّی و جرنی

غرگت اببحر متعافی وجرنی

اذا متجرنی اموت ابلاوصیّه

***

عندک مرحمه ابجاهک ویهلاک

الیضدّک قبل لیعوفک ویهلاک

اریدن وگفت اجدادک ویهلاک

تساعدنی او تصیر اسناد الیّه

***

خوشا یاران به هرکس دل نهادند

حسودان تله ی چنگان گشادند

خدا شاهد که آنها بی گناهند

دو تا دلداده در زندان نهادند

***

الطبخ جدر المکارم منته گدها

الطلابه فرس تهتم منته گدها

نخیتک نخوه مترد منته گدها

الدرب مسدود لو ناسی الخویّه

***

شجاک اشغیر اطباعک ولک عود

او وگفت ابضیجت انفاسک ولک عود

چنت شجره او ثخن فیّک ولک عود

اشتضن چرچیل تتدلل علیّه؟

***

ملیت الگلب بالطافک و فضلک

شهم من غیّر اطباعک وفضلک

ذهب قارون باملاکک وفضلک

تطالبنی او ترید اتعیر بیّه

***

جاسم ثعلبی (الحسّانی) 10/04/1399

30/06/2020

 

 

حب الحسین علیه السلام عباده

 

واجبنا الزیاره ابمرقدک صحنه

یحسین الکرونا ما تمانعنه

***

متعنین اجینه او لابسین اکفان

ما نخشی المرض خل یسمع الدفّان

علی بیت الرساله اگلوب کلهه احنان

خل یسمع الخایف لا یهددنه

***

خل یسمع الشامت کلنه متحزمین

حافی الکربلا لحسین متعنین

اعلام السود عدنه او بالدرب ماشین

حبک بالگلب بس اللّه شاهدنه

***

حبّک بالگلب ما ینتزع للموت

ثوره احسین عدنه او تطرد الطاغوت

سفینة نوح انت او بالسماء منعوت

سیف العزّه عدنه او من یجردنه

***

اثیاب العزّه انتم ما نرد هیهات

صراط المستقیم ایکون بیهه اثبات

رسم جدّک رسول اللّه عدل ما مات

نسیر ابدربه حافی من یبعدنه

***

ما طحنه ابشده او روس مرفوعه

بعدنه اعلی العهد و اصدور موسوعه

عطر امک الزهرا اویانه مطبوعه

ما نرجع ابد و اللّه الیساعدنه

***

وحق ذاک الرضیع الشاهد المیدان

متحزمه تزورک زلم و النسوان

الشات او عافکم ما ینحسب انسان

عشایر شیعه بس اسمک یوحدنه

***

ابتدء عدنه العزا ضل بالمضایف صیت

و اتعلّت الرایه فوگ باب البیت

یا حبی او حنانی الگبرک اشتاقیت

زوارک ثجیله او لا تمانعنه

***

متعنین اجینه انزورک ابدارک

مثل ریل القطار او تمشی زوّارک

نص العالم احسب کلهه خطارک

فک باب الضریح النه او تشاهدنه

***

حیّ اعلی الفلاح او حیّ عالچفین

ندمان ابعشرته الما یزور احسین

طوفه او شوف رزقه اشلون یوفی الدین

بعد شیطان ما یگدر یبریدنه

***

من حقنه نزور احسین و العبّاس

و انزور النجف حس ابعجیب احساس

ما عندک بضاعه اددین او لا باس

الیضدهم عود من بیته او یشردنه؟

***

النجف بیت الائمه او کربلا احزامه

او سامراء القلم و الکوفه اعلامه

بغداد الکرامه او عزة ازلامه

من الاهواز للشام او تواعدنه

***

شاعر اهل البیت: جاسم ثعلبی(الحسّانی) 08/04/1399

28/06/2020

 

 

 

هوسات بیر الحساده

 

اسمع یالحرگت ابیوت و انطر شوف تالیتک

النار الّی دوت باعضاک باچر توصل البیتک

میفیدک عذر لا لوم صدّگ هایه تربیتک

الخاین و اللّه الخاین ما یسوا ارباها

***

الدنیا اتکبّر الیفتی بالفهام

عجید او ما اله والی بالفهام

حشر و اتزامط الوالی بالفهام

ابنیاب الشر یفرسون الضحیّه

***

اخیط اجروحی من تعبیت و انزف دم یشوفونی

هلی او صدقانی متکترین چنهم ما یعرفونی

امس دهن او دبس ویای بس بالضیج یردونی

اضباع او تایهه ابملفای تطش من یخلی ماعونی

جربت الدهر مرات شفتهم ما یرحمونی

ابّطن بیر الحساده ابللیل مثل یوسف یذبونی

مقصدهم اضل محروگ بالنار او یادبونی

انا الادبانی البین و اشوف العیله بعیونی

و اعرف البیه وفه للناس و اعرف الی یصدگونی

واعرف الیکتم الاسرار و اعرف السافل اینونی

گمر ضاوی حلاته ابللیل شاهگ خل ینکرونی

اهل العفرته ابتاکید تندم من یذمونی

ان اللابس صبر ایوب ابثوب العزّه یلگونی

انا الکاتم حلم یعگوب اکشف فتحة اعیونی

انا العابد الحگ دوم و اعازی الی یعازونی

انا دله او مضیف او سیف و افرح للیفرحونی

الما عدهم وفه دولاب ابطن صحر او یشتلونی

عوف اهل الغدر محراث بالنار او یدحکونی

عبید ازنوج للطاعون مفتون او یتهمونی

اکل و اشرب یخاین مرض و الهم

العماله اتلوگ الک و الخزی والهم

السجن ما دام للمسجون و الهم

الفرح قادم عرس یشفی الخویّه

الحوم ایگل للواوی اسباع الدیره انتفضت و انت اهناه

جاسم ثعلبی (الحسّانی) 06/04/1399

 

 

دارمیات و الغاز

دارمیات و الغاز

لو ما کثیره احباب ایتهمونی مجنون

چا بالگبر دفنیت ناس الیفتنون

***

طیر او یطیر ابعید ما یعرف احدود

لا بالسماء او بالگاع لا منه موجود

***

شال التحبّه الروح و اعد علیّه

لا خبر لا مرسال لاکو وصیّه

***

سائل سئل عن حید گالوله ماعاد

بالسماء سبع افتوگ ایخیطهن او راد

***

متفاعل العطّال و البطّال عامل

و العاقل المجنون و المجنون عاقل

***

هل تطفی بیدک نار لو بالنار شاعل

و الظایفک مچتوف و المچتوف قاتل

***

بالبحر هب طوفان بس ولفی ویای

متعجّب اعلی اهوای عافانی بالمای

***

شرجی او مطر وارعید هور او اذیّه

او ولفی ابّلم مرتاح ما حن علیّه

***

ابعث عطر و افراح لهل الحمیّه

اجمل صباح الخیر و اجمل هدیه

***

فوگ الجبل ونّیت بس ابچی بهدای

ما ابچی من الضیم ابچی علی اهوای

***

جاسم ثعلبی(الحسّانی) 07/01/1399

 

دارمیّات اهل الدواوین

دارمیّات اهل الدواوین

ظلمه او درب عاثور اتعنیت اجیتک

دورت وین افلان بس مالگیتک

***

ظلمه او درب عاثور واسمع عوی الذیب

ما اعوفک انا اویاک لو راسی ایشیب

***

ظلمه او درب عاثور حادونی عشرین

ما ارجع اله اویاک لو اجت ملایین

***

ظلمه او مطر و المای جیتک هویتک

هالیله لیلة عید متعنی بیتک

***

ارد انشد العگال و اهل الدواوین

لیش الیحب مجنون والدمعه بالعین

***

ما اتابع البد ذات و العینه حمراء

داویته جرحی او طاب لیله اویه سمراء

***

ارد انشد العگال و اهل الجلاله

لو مصخ ملح الزاد شنحط بداله

***

ما انشد العگال و اهل الدواوین

لو مصخ ملح الزاد انحط دمعة العین

***

لوما الملح و الزاد و ابگلبی حیره

چا عالمتن شریت وادم چثیره

***

تعبان اون باللیل من هَم ولیهم

اولادی نور العین و اعتب علیهم

***

سهران افکر بیک ای گلبی محتام

مثل السمچ بالمای ما غمض او نام

***

للشاعر جاسم ثعلبی(الحسّانی) 26/01/1399

اغنیة محزن

اغنیة محزن

ما  شفت طبعک  عجایب ، بس   تشمّرلی   بدیک

عفت کل اهلی او عمامی،او گمت ادوّر بس علیک

***

و اللّه صعبه  ابدیره  غربه ، و  ابهواک  اشتم حنان

مکدر او عینی اعلی دربک ، اتواعد او طال الزمان

***

اتحمّلت  منّک  مصائب ، و الوفاء  یشفی   العلیل

عمری  خلّصته  ابندامه ، او  ما  اعوفک  مستحیل

***

صرت قطره ابعینی تجری ، او صرت نهته او  ما اعوف

ترمی بسهامک ابگلبی ، دمی   یجری  اشلون  اشوف

***

اعوفن السابی دلیلی ، او فاگد النوم  اعلی   شأنه

اعوفن الشد بیده حزنی ، او غازی گلبی من حنانه

***

محزن او یلهب ضمیری ، و الحزّن بیت السرور

عشت  دوم  ابذکریاته ، شمعه بعیونی او یدور

***

ما یموت الیهدی روحه ، للمحب عار  او قرار

و الصداقه البیهه عازه ، للوعد   نار  او  شرار

***

امر ما خنت ابعهدنه ، امنین امر عینی اعلی بابک

گلبی تارک  کل نفیرک ، یدری بس  حامل  عذابک

***

تهت من یوم العرفتک ، تهت ضیّعت  النصیب

تهت ما اعرف طریقی ، من جفی عنّی الحبیب

***

حلم و اتمر لحظه  بیّه ، حلم  بس  طبعک  غرور

تنسه حب البیه ربینه ، او تنسه سهرات السحور

***

تطلب   الذلّه  ابشماته ، تطلب   العوز  ابصهیل

ذهب صغت الغیره بیدک ، ما یهم گلبی القلیل

***

جاسم ثعلبی (الحسّانی) 23/06/1396

 

 

 

 

اغنیّه اللّه اویاک

اغنیّه اللّه اویاک

گلبی مشتول ابدلالک ، گلبی مشتول ابهواک

شبح و امعذّب حنانی ، ابد ما  لحظه  نساک

***

گمر تزهی ابکل حیاتی ، نجمه و افتر بس علیک

شم عطر طیبی یغالی ، ورده و افتر  بس  بدیک

***

هاک اخذ گلبی هدیّه ، هاک زیده ابذکریّات

هاک دمعی الصب اذیّه ، و العیون الساهرّات

***

وینک ابیا  بلد  ساکن ، وینک  اعیونی  فداک

وینک او عمری سبانی ، وینک ادوای اشلفاک

***

اتمرّضت هجرک بلانی ، او مرمرانی ابکل عذاب

شمعه بعیونک اذوبن ، او ما اظن حبّک سراب

***

بالسفر ما عندی راحه ، او لیلی بفراگک نجیب

صورتک تفتر ابذهنی ، او صوتک   ایقرّد غریب

***

حلم لو اشوفن جمالک ، حلم و اقبل بس دلیل

هوا و اتشمم وجودک ، ایطیّب ابگلبی العلیل

***

ریت اموت او انسی حبّک ، و انسه دار البیهه اجیت

و الچفن یستر اسرارک ، تگصی   بیه       اشحصلّیت

***

الوداع   او  داعت  اللّه ، لو  وصل  لیک     العتب

اگبال گبری اجلس یغالی ، و انحت اسراری ابذهب

***

خلّی جسمی اینام لیله ، خلّه  مدفون     التراب

خلّی روح اتطوف یمّک ، او خلّی گلبی بالعذاب

***

وینه العاهد دلیلی ، وینه خل یوفی العهود

وینه و الخاتم دلیله ، وینه خل یشتل ورود

***

اللّه   ویّاک     ابزمانک ، اللّه   ویّاک       ابسرور

اعذرنی لو لحظه ابحیاتی ، ابگلبی لو قطرة غرور

***

جاسم ثعلبی (الحسّانی) 18/06/1396

 

 

 

 

اغنیّة الوداع

اغنیّة الوداع

روح حط ایدک بدین العاهدوک

روح عیش ابدار ناس  الصدگوک

گلبی ما  یاسع کلام  البیه عذاب

روح تابع  عشرة   المنّی  خذوک

***

چنت ورده    او  تبتسم  بالذکریّات

او چنّت ناقوس الگلب وکت الممات

صرت خاین  خنت  ما  اسمح تعود

دمّریت   ارسوم  منقوشه   ابنبات

***

تندم او تالی تجی اعیونک تهیل

تجی تتعذّر او ما    عندک  دلیل

ارد اذکرک گلبی   سدّیته ابهواک

اتوادّعینه الدمعه بعیونی تسیل

***

روح تابع گلب  مشحون  ابغرور

روح تابع محب یجلب لک سرور

انا ما افیدک بعد  کلّک    عذاب

ذکریاتک دمعه  بعیونی    تفور

***

تیّهت    دربک   او   تیّهت   الحبیب

اتمرّضینه   او بعد  ما   یاجد   طبیب

الدنیا ترعد  مطر     منهار    المصیر

انجرح گلبی او بعد ما ضنتی یطیب

***

هاک خاتم عقدک او  یمّه الزهور

هاک صندوگ السفر  بیه العطور

هاک کل اصورّک او هاک الغرام

الوداع او  اللّه  یسمحلک   تنور

***

جاسم ثعلبی(الحسّانی) 17/06/1396

 

 

 

اغنیّة : یایمّه

اغنیّة : یایمّه

یمّه  سهّرنی  العشگ  و   اتعذّبیت

یمّه حضّی  ما گعد  و     اتمرمریت

یمّه  ما  کو وفه   و الغارف   غرگ

یمّه سرّی ابّطن گلبی او ما حچیت

------

آه  یالمخاخذ  دلیلی ، آه  اون  یا   دمعه سیلی

بالگلّب و ایگلّی شیلی،اعلی القدرنی اتمرّضیت

***

یمّه تعبانی او شتلنی  ابذل  هواه

من غدرنی  اشلون  گلبه  طاوعاه

یمّه یلعب ما یحب و آنه  ابتلیت

اشگد عنید او لچن گلبی ما نساه

-----

آه یا عمری او حیاتی،آه یا طیبی او حلاتی

آه یا موعد  غلاتی ،  ابّطن ذاتی اتکسّریت

***

یمّه افرح  له او   یدوّرلی  العذاب

یمّه یرمینی ابکلامه  ابلحظه  غاب

صخر مرمر گلبه و ادموعی التهیل

اله صارن یمّه   باحلامه  سراب

------

آه غدرانی الحبیب،او جرح  گلبی ما یطیب

ما اظن یشفی الطبیب،الگبری یمّه اتگرّبیت

***

یمّه  غدرانی  ابکلامه  او  سلّمیت

یمّه ما یسمحلی  اسولف و ابتلیت

یمّه ختلانی ختل دگ  رمحه حیل

یمّه بعیونه  سحرنی  او صدّگیت

--------

آه یا شمعة شبابی ،  آه محروگه ابعذابی

آه ممهوره ابعتابی،او بالشماته اتگطّعیت

***

جاسم ثعلبی(الحسّانی) 16/06/1396

 

 

 

 

 

قصیده : فمن لیلی فمن مجنون

قصیده : فمن لیلی فمن مجنون

سهرت اللیل کلّه بس اعد انجوم

ملایین النجوم اتمر علی بارسوم، اظِن مرهون

فمن لیلی فمن مجنون

فیها الوان ، فیها اشکال ، فیها للرصد قانون

فمن لیلی فمن مجنون

فیها راکبین الخیل،او فیها بالدموع اتسیل

او فیها ارماح للیرمون

فمن لیلی فمن مجنون

او فیها اعشاب، او فیها اتراب، او فیها للبشر محراب

للتایه طریجه امسافر او مسجون

فمن لیلی فمن مجنون

او فیها بالاسم معمار، او فیها للسماء مسمار

او فیها اتساعد الطیّار من ظل ابطریقه او بالفلک محتار

وسط الکون

فمن لیلی فمن مجنون

او فیها اکبار او فیها اصغار،او فیها اتنور

مثل الشمس و الناعور

او فیها مظلمه او بالحکمه تطلب نور

مثل القمر و التنّور، او فیها بالشکل یفتون

فمن لیلی فمن مجنون

او فیها اتنام، او فیها اتزور،او فیها للخلّگ ناطور

او فیها للدعاء منشور، او فیها بارده امن البرد بس اتخور

ما تنوصف للناطور، او فیها حاره امن احرور للیزهون

فمن لیلی فمن مجنون

او فیها ابعید ما تنشاف،بس یکشفهه الناظور

او فیها طبّه للمضرور،او فیها اسناد للدکتور

او فیها بالعرش مذکور للروّاد،او فیها اتراب،

او فیها الماء ،او فیها اتعاشر الیمشون

فمن لیلی فمن مجنون

اهوای انجوم مختلفه ابصلاة او صوم

الی کل البشر محتوم،اذا صح الکلام او تعتقد معلوم

من کل السماء یاسع سبع جولات، کل جولة سماء

ما تنوصف لهل الوصف ماعون

فمن لیلی فمن مجنون

اهوای انجوم مخلوقه الاله الکون

و ابدار الضیّافه اترحب الیغزون

من طرت الفجر تتحاسب ابکل لون

فمن لیلی فمن مجنون

کل های النجوم امساهره الدلال

آه یا حال، آه یا بال

کل نجمه یخصهه الکل بلد مفتون

بس نجمة حیاتی تایهه او بالفکره ماتدرون؟

لا تنسون ،لازم نکشف المرهون

لازم نستعد و انحارب الطاعون

لازم بالثقافه انبارز الغازین و الیغزون

فمن لیلی فمن مجنون

هل تعرف فمن لیلی فمن مجنون

اذا ما تعرف اصبر زین

وافتح رمشک ابعینین

او فک باب الگلب و اسئل ضمیرک هین

و اسئل ما جری لحسین

و اسئل کل نبی من گطعوا الچفّین

او من گاد السبایا ابکربلا و الشام مچتوفین

و ابدگ الحرب و اوزاره متعنّین

تعرف زین ،ازیدنّک بعد هالحین

ابمحرابه انضرب و ابدیره مشتاقین

اله مثل الشمس للگاع معطوفین

بس جتّه المنیّه من عدو فتّاک

مرشی ابساعد الغازین

تشهد له الخلّگ مدمون

فمن لیلی فمن مجنون

لیلی انباگت ابدولاب،لیلی انسجنت ابسرداب

لیلی و السعد ما غاب، لیلی اتعاتب الیوفون

فمن لیلی فمن مجنون

لیلی حاربت کل صوت،لیلی ما تهاب الموت

لیلی الکل عشگ منعوته، لیلی اتشابه الیاقوت

لیلی ما مثلهه احباب

لیلی شارب او محراب

لیلی الکل مضیف اشباب

لیلی بیت،لیلی صیت ما تنساب

لیلی الکل حنینه انقاب

لیلی بیرق الخیرین و اهل الصیت

لیلی الکل طفل لولادها چکلیت

لیلی ما تعد بنجوم

لیلی گصبة البلعوم

لیلی ما تباع او تنشری بالسوم

لیلی ذوالفقار او تحصد اهل الگوم

لیلی ما بعدها لیلی او ما تنوصف بارسوم

لیلی دار، لیلی عار للنام ابّختهم عشرة الیهدون

 لیلی جار لیلی غار،لیلی ثار من الغازی و المشحون

لیلی.......

لیلی ابفگد لیلی یلتهب مجنون

یا مجنون،مجنون العواصف بالغدر مسکون

یا مجنون، مجنون الترک حبّه انقدر محزون

یا مجنون، مجنون الترک لیلی ابشتاء و ابصیف

سایب و انتخه ابکارون

یا مجنون، مجنون السهر لیله علی لیلی او قسم بالنون

بس اهل الادب و اهل الشعر سمعوه

ابمجالسهم عجیبه بالقدر یهذون من یحچون

یا مجنون، انت و انا المجنون

ندور انجوم

بیهه ارسوم

بیهه اعلوم

بیهه السکّه والدرّاز

او بیهه الثروه للمحتاز

او بیهه النار تطفی النار

او بیها آبار

او بیهه اهوار

او بیهه انهار

او بیهه النایحه ابکل دار

او بیهه الّابد او محتار

او بیها الخاتل او منهار

او بیهه اسباع ما تنسام

او بیها احلام او بیهه الغام

او بیهه اقلام ، للدمام

او بیهه.......

او بیهه احفاد ابد للقصّه ما ینسون

فمن لیلی فمن مجنون

البلد لیلی تشع بالکون

و انت ابجالهه مأمون

لیلی بالبحر مشحوف

واسمهه بالسفر معروف

امنه و الگلب معطوف

لو فطموک منهه او ما تحب اتشوف؟

ها مجنون کف اللوم دگ ارسوم

اهی لیلی و الک مجنون

اهی لیلی او حبیبه او بالمحبّه اتنون

یا مجنون عوف الخوف

طوف المستحی و الحق سبی الملحون

یا مجنون

یا مجنون

لیلی اترید منّک عون

فمن لیلی فمن مجنون

جاسم ثعلبی(الحسّانی) 13/06/1396

13/12/1438

 

 

 

 

 

 

 

 

 

#ابوذیّات مناورات

ابوذیّات مناورات

الگلب ینزف دمع مـــن دم ولم بیه

علی الهارب او شت ضعنه و الم بیه

الجهل جالس ابســد ظهره و الم بیه

الغریب ایشحنه بس یزعـــل علیّه

***

حنانی اویــــــاک ما قصّر و الم بیک

مـــــن الّی جرّحوا گلبک و الم بیک

تبعتک من شفت طبعک و الم بیک

اشمالــــــک دحلبت و ایدک بدیّه

***

اعلمت ما تاسع ابگلبک و احط بیک

بعد ما فاد حش زرعک و احط بیک

ادواک ابراشــــدی ابخدّک و احط بیک

و اعلمــــــــــک درس لتخون الخویّه

***

علــــــــــــی العاند دلیلی احباب ودّیت

ابصله او من رحمی گلت انتشع و ادّیت

اشمالـــــــــک دحلبت دوحست وادّیت

تهین اهــــــــــــــل الکرم عینک جویّه

***

یــــــریت الطیب البگلبی یهل بیک

او نسیت الخیّط اجروحک یهل بیک

تجی ســــــاعه حلو مرّک یهل بیک

او تجی ساعـــــــات تحرگ بالثنیّه

***

طــــــــوّل لا یسحرک لیل ینهار

او عسـی الّی فرّق الخوّان ینهار

تغرگــه ابمشکلاته او قهر ینهار

او یضل مندوم دنیه او آخریّه

***

افتخر بــاحبابک الطیبین جنباک

ابعسر و ابیسر موجودین جنباک

نکـــرت الذاتهم خیرین جنباک

تخلبص تفتن ابـــــکل عنجهیه

***

تزید او تبتکر یـــــــــا دای بالمای

انچمد حچی الکتبته اویای بالمای

یسیر او مــــا وگف للوای بالمای

لان مـــــا عنده ذات او عم علیّه

***

تـــــدحلب تنمطل تعتذر شتحیل

الثنیتک گلبی ما ینعطف شتحیل

الف عجده بدیّه اشنطت شتحیل

انتهیت اویـــاک ما عندک حمیّه

***

انتظرتک تنطرح مــن شهر من عام

خیرک مـــــا لفانی ابطمع من عام

عــــم الطاع مرته او خضع من عام

امسحه امـن الگلب و اکتب وصیّه

***

الولد نار ابگلب تلتهب من جار

اکرمه او لا تشمت اعداک من جار

اجعله جار مـــن جاورک من جار

ابشهر مرّه یمـــــــر یدّی التحیّه

***

احفــادک تنظر او تزهر ورد لک

التشتله یثمر ابگاعــک ورد لک

صخر مرمر ذهب فضّه ورد لک

الرباء او مال الحلال اباثر ضیّه

***

ابشرک مــــــن یزیل الهم و سر بیه

الفــرح و الخیر و احفادک و سر بیه

اخلاقک و استر ابجاهک و سر بیه

ابحکــــــم سلطان تزهر بالوطیّه

***

حــــــلاة البشر معروفه و ذاته

ابگبر یـــــدفن معاداته و ذاته

یـــدوره الصیت معناته و ذاته

گمر یزهی او یحل کل موزمیّه

***

الدهر ما نکّل اهل الطیب من عاد

ولا عـــاد النبی انعد شیب من عاد

المضیف الســاد بابه ابکرم من عاد

ابــــــــــو الغیره الیحل لغز المنیّه

***

جمالــــک غیّر احلامی و مرنی

علی بابک طفل ضامی و مرنی

احس ریحک غفل جانی و مرنی

اعیش اسنین اذا صــــادج علیّه

***

ضفتنی او مرمر تنــی او غبت و انعیت

او بچیت ابدم علیک او شبت و انعیت

وراک الگلــــب شب و التهب و انعیت

انت و الگلــــــــــــــــب صرتوا علیّه

***

کتلنی ابــــــــــرمش عینه الولف من طاب

ارتعش جسمی اویه گلبی ابعزف من طاب

اعیونـــــــــــــی احتجّن الدلال من طاب

اشلفاک او سلّمـــــــــــــــت للبیه اذیّه

***

هلک کل من ضمیره انعاب و انساب

انفلّک مــن عافّته الاحباب و انساب

النّاس اتذکّر امـــــن القاب و انساب

اعمالـــــــــه السمّته او ذاته الردیّه

***

العاقل مــــا یدر للعشگ و انصاب

او مــا یشرب لذیذ المحب و انصاب

ارید ابنـــی ابلیلی الخیّم و انصاب

و اسکن البیه وفه او عنده الحمیّه

***

یگلبـــــــی الما توده جبل من طار

او طیـــر الّی تحبّه ایشیه من طار

صعب تجعل اببابه حرص من طار

خیـــــــــال ایصیر ما ینکض بدیّه

***

الیواعد وعـــــــــــد لازم یمر بیه

ابّطن گلبـــه اعتقد داوی یمر بیه

خصوصاً لو محب صادق یمر بیه

یطفّی النار بــــــارموشه الزهیّه

***

الحب کرامـه الحب شهامه الحب نظام

الحب شجاعه الحب عـداله الحب کلام

الحب ندامه الحب قـرامه الحب سلام

الحب سراب الحب عذاب الحب ختام

***

یغزلان الهوی ابروضی محلچن

العریضی المانـع ابگلبی محلچن

الّبدن، واکلن او طمحن محلچن

اذا لحظه الحســاده الچن اذیّه

***

اهلال او بالسماء حبّی الک یهلاک

العریضی المانـــع الشوفتک یهلاک

الّــــــــی راید عذاب النّاس یهلاک

شنهی الصار وضّح لـــــی القضیّه

***

یــــــدولاب اشکثر دولبّت و ارویت

ابّطن گلبی ابغدر دحلبّت و ارویت

اکرهـــک ما اریدک طفت و ارویت

تجینــــــــی ابلحظة اشواقی الهنیّه

***

اذا حملـــــــــــــک ثگل ینهدر والمال

ابجهالــــــــه او ما یفید السمر و المال

النخاء احبابــــــــه تملّه العرب و المال

اعلی گد حملک دَشد و ابری الخویّه

***

جاسم ثعلبی (الحسّانی) 12/06/1396

12/12/1438

 

 

 

 

 

 

 

 

 

 

 

#نصیحه للقاری

نصیحه للقاری

ارد اکّمّل لک بعد و اترک هواک

الطاوعــــت طیّب و الّا شر لفاک

اللّه لا یرحـــــــم بشر یوم الحشر

ایجازی کل ظالم هتک حرمة بشر

ربّی انت ابکل حـکم عادل حکیم

زیل من کل الخلگ شــر کل لئیم

انت من قولک ادعونی و استجیب

لیش کل هل ظلم و انـــدور طبیب

احکم الحـــــــــــاکم او ذلل قدرته

من یزید الحــــــــد یزید او زمرته

غیر هل طلبه بعد مـــــاکو سئوال

طبّق احکامک لجل نـــــاکل حلال

زامطینه او صــــرنه شیعه ابرادتک

اتچتّفینه او صـــرنـه عون السادتک

اتعذّبینه او مــــا بقی حل للجواب

اتمرمرینه او مــا یجد فم للخطاب

کلمن ایــــــــرید السعاده و الجهاد

یفتی وحده ایچردس الگومه العتاد

النّاس تاهت تسأل او وین الطریق

ابکل مدینه نلتفت شب الــــحریق

وین حکمک وین دینک و الفلاح

للمساجد و الفــــکر طب السلاح

یظلم الشبعان و المـــا عنده دین

یعزم او یهدر ابسد اسم الحسین

و الفقیر ایلم کـــــــراتین الغمام

ایعیّش اعیاله او مــــا یاکل حرام

لیش نبذر لیش نــــــاسین المعاد

نکرم الدنیا او نـــــــاسین الجهاد

العنده مال او حال خل یکرم ضعیف

الخاطر اللّه یرحم ابجسم النظیف

بل عزایم تـــــعزم امفطح چریم

او بالعطایا تلبد ابچم الـــــصریم

خـــاف ربّک شفت شبعان انلطم

من حلاله او ماله ها معری انفطم

تفرس ابمـــالک او مــــا تاخذ ثواب

تبگه روحک فی السماء حگ العذاب

الدنیا عبره اتدلّی المـــــــا عنده شور

اتصوم و اتصلّی او تدعی بالفطور

اجری حق الناس و اتشوف المزاد

یکثر ابرزقک او خاف امن المعاد

و النبی بـــــــکتابه ذاکر قصّته

او علی نص اللیل یــــدفع طلبته

او فاطمه اتصدّق ابخاتمهه الجمیل

و الحسن ساعد او بیه سر او دلیل

و الحسین ابــــــکربلا زاد الکرم

صاح صوت او سمعته کـل الحرم

الامر بــــــالمعروف و المنکر نداه

و الثقافه طلبته العــــــــالم شفاه

ما ابیّن لـــــک کثیر امن الاعمال

اشگد لذیذ ابطعمه کل زاد الحلال

شفت امام او عنده قصره او مالکه؟

او شفت من نسله مظالم سالکه؟

القدره عند اهل العقیده بالعلم

الفکره عند اهل الکرامه بالسلم

الیمه معروفین بخلاق او جمال

الیمه مصتمدین بارجال او کمال

الیمه معدودین قوماً منذرین

ابثوره منصورین ضد الظالمین

الدرب مفتوح او عقل سالم یرید

بالعباده او بس جسم غانم یفید

مونبوگ او نظلم او ناکل حرام

و ابمحرّم  نلطم ابســــــد الامام

او من یجی رمضان نعلن بالسحور

نذکر اللّه ابهل شهر بس بالفطور

بعد رمضان الصلاه نــــامت تمام

یوم عید اللّه العشاء حسن الختام

للابد مرفوضه هــــل فکره ابعتب

لا تبیع اترابک او تنسه الــــذهب

کل عمل معمول اله بُشره او ثواب

اقراء مکتوب ابنظم نص فی الکتاب

تابع القرآن و اتشوف الــــــــدلیل

تعرف الخاطی او مــن دربه الیمیل

انه ویّــــــــــاک ابحشر یوم المعاد

الطمع ما یستر بشر عــــاش ابعناد

ارضی الرب و ارضی خلقه او عشرته

خاطـــــــــــر اتعیش ابمعزّه ابدیرته

و الامامه اسناد النه فــــــــی المسیر

انطبّق احکام اللّه بس نچسی الفقیر

لا بنون اتفید لا مـــــــــال او حلال

ابیوم موتک هذا هــــم آخر سئوال

حطهه ترچیّه بــــــــــــذانک للابد

حتّی فــــــوزک ینتشر یوم السعد

انا شاهد و اللّه یشهد بــــــالشعر

و القیامه اتشوفــــک انجوم الظهر

ال ربّه حبّه ایندهـــا ابطرت الفجر

و الّی مـــــا حبّه یظل جیفه ابگبر

گوم حط ایـــــدک بدیّه و افتخر

اترک الباطل او عــــاطل و انستر

تدری عزرائیل مـــــا یحمل بشر

یقبض الروح او فــــرد لحظه یفر

اهناک عـد ربّک تظل ناطق فقیر

الکان عامل خیر بـــاعمالک تطیر

الکان عامل شـــــر او شر الرتّبک

اللّه یحکـــــم و الملوک اتحاسبّک

ایوزّن اعمالک او ینطق بالکلام

ظـــالم افلان او حسدته او ینام

مستغیب افــلان او هاین عزّته

ماکل احقوقه او ســالب قدرته

ماکل اموال الیتاما ابلا حســـاب

امساعد امواعد او بیّن بــالکتاب

ضارب او سارق او حارض لا تغیر

تبنی اقصورک علی اچتاف الفقیر

اهناه جاوب شنهی تعطی او تقتصر

ابّطن گبرک حتّی توفی او تنطمر

یجی طلّابــــــــک او تتعذّر بناک

اللّه ما یقبل عــــــذر اصلاً هناک

تبقی امچتّف او طلابـــــک وراک

ما طعت للحق اخذ هــــذا دواک

التوبه نعمه باب مفتوح اعلی باب

ابشرط ترضی کل بشر زدّته ابعذاب

روح طیع الحــــــق ابنیّه و اغتسل

و اترک الباطــــل او عوفه وانفصل

اتوضّی حباً طایع ابــــوکت الصلاه

حتّی تعطف ربّک ابیوم الــــــوفاه

قالها الحسّانی الــــــک هذا المصیر

العاند الــــــرب یرتقب درباً خطیر

الحبّه ربّه ایجلبه ابچلمه اوســـطر

او بــالسعاده ایمرّر ادروبه ابعطر

جاسم ثعلبی(الحسّانی) 06/06/1396

 

 

 

 

 

 

 

 

 

#ابوذیّات مبرمجات

ابوذیّات مبرمجات

یگلبی جرّبت ربعــک و لحماک

غریب ابضیج شهدولک ولحماک

تون چا بیش اخیطنّک و لحماک

جرحــوک اشعجب تنسه الاذیّه

***

الکرم والجود بــالغیره و الف راح

ولف حاتم ختم صیته و الف راح

علی دربه ابقصد حبّه والف راح

رجع من شـــاف خدّامه احوریّه

***

مــــن هو النار خالقته و شربه

صدیق او خصم لبن آدم و شربه

ابکلام اجداده امــدحنّه و شربه

یحل کـل مشکله ابریحه الزکیّه

***

من هـــــو العاف ولیانه و الی مال

الی مـــن حاله دم لحمه و الی مال

حلاله ابنص سهم حل لی والی مال

و اذا لابس کفـــــــــن یحرم علیّه

***

من هـو امن العرش ذکره و اله ارکاب

اعلی راسه التاج من لیلو و اله ارکاب

اله جنحـــــان و ایصفّج و اله ارکاب

یغنّی ابصوت و ایحامـــــــی الثنیّه

***

من هو البیه شفاء ثوبه و لحماه

ولا واحــــد رحم حاله و لحماه

یدگ بالبیت مـن توعه و لحماه

ملک یحکــم علیه لو ثخن فیّه

***

من هو انولد بیت اللّه و یومه

او خیبر تشهد افعالــه و یومه

ما فارس کســـر صیته و یومه

بطل حاکم یحل قاضـی علیّه

***

مـن هو البالفلک اسمه ورد بیه

او دعاه امن الارض ربّه ورد بیه

عنده اسمین بــــکتابه ورد بیه

اســم بالسماء او اسمه بالوطیّه

***

من هو الخانته اخوانه و ردهم

عرفهم مـن حکم بیهم و ردهم

جلب بــایمانه صدقانه وردهم

نبی اصبح و ابـــوه سید البریّه

***

من هم عاشروا ظالم و مرهم

ثلاث اقرون فقداهم و مرهم

ابطن کهفة جبل ظاعوا و مرهم

او کلبهم ظافهم و الـــرب تچیّه

***

من هو الّی جلس عل ارض منشاف

امن اهــــد آدم الحد الابد منشاف

مـن هو الترک مای العذب منشاف

الیترکــــــــــــه ابیوم تاتیه المنیّه

***

من هــــو اللابس اعگاله و صیته

العطش و الجوع من ربّه و صیته

یغسّل اذنوب مـن طاعه و صیته

ابختامه النّــــاس تطرد کل بلیّه

***

من هــو الجالس الطیبین و انغاب

رفع من وجهه صیت المکر و انقاب

اذا غائب تــــذکره الخلگ و انغاب

تعزّه النّاس و اهـــــــله و الخویّه

***

التکبّر مـــــــا یلم صدقان و المال

الثگل حمله تعوفه اجناب و المال

المنّه اجبال مــــــا تنحمل و المال

شیل اجبــــــال لا تنخه ابشچیّه

***

من هو الجالس اهل العلم من شار

المشاکل تندفع بـــــــالفکر من شار

اذا وحـــــــدک تگص بالفین منشار

ما تگطع جــــــــــذع داوی اباذیّه

***

النکر ذاته اویه فرسه مایردهه

و اذا حـــــل المحالل مایردهه

ان کان اترید حاجــــه مایرهه

سبع ینشاف بس ما بیه حمیّه

***

هلک کلمن قبل فــــــکره و امرته

اعلی طـــــــرد الاخو وزّته و امرته

امر صائب و الف خاطـی و امرته

تحل و اتشد او تحــــــکم بالثنیّه

***

السعاده اببیت یاسع زرع و الدار

او نساء الوان مثـل الصخر والدار

الغنی ینغاب اذا کـل مهر و الدار

المراة الصالحـــــــــه تسواله میّه

***

انصحک من تذب مالک تمر بیه

لان نخل الزهه ابجاهک تمر بیه

المال ایساعــــــد العاقل تمر بیه

او یزید الخیر لــــو تنطی شریّه

***

وحــــق رب الاعبده اویاک و اهلاک

الطمع ما یرفع اهل الطمع و اهلاک

اعتقد یوم السعد من جاک و اهلاک

یرید الخیر للعایز هـــــــــــــــدیّه

***

الدهر ما ساند الطیبین مـــــــن دار

ولا فاد الترکله دار مـــــــــــــن دار

احتفظ باخوان لو هم غرب من دار

ولا تبغی ابسفاهه اتمــــــــر علیّه

***

الختل مــــــــــا فاد للصیّاد و اغناه

المطرب مـــــا بناله ابیوت و اغناه

الاخوا ما یغتنی امن اخواه و اغناه

عامل کـــــــل بشر باحسن تحیّه

***

وحق دین المسیح او علی و ایهود

مـــــــا نام الظلمله روح و ایهود

گلت للحاقد ابـــکل نطق وایهود

ما هوّد لمّا طـــــــــــــاح ابهبیّه

***

الروح النــــــادره الهیبه ملکها

ابجاه الرب کسب طوعه ملکها

النّاس اجناس و اطباعک ملکها

طیع الرب او عمّر بـــــــالثنیّه

***

جاسم ثعلبی (الحسّانی)04/06/1396

05/12/1438

 

 

 

 

 

#غزل لا تقتل بشر

غزل لا تقتل بشر

اذا تقتل بشر ظل احسب الــــــــحسرات

لأن روح البشر مــــــــــــن اللّه مرسوله

تضل اتون عمر متوسّد الصــــــــــعبات

تطشر ابیوت هـــــــــــا و المثله مگیوله

خضریابس تحرگـــــــه اوتنتحرواتموت

ابتالیت العمر والتفگه مچیولــــــــــــــه

تنطر والحرامـــــــــــــــی ما ینام اللیل

سطــــــــوت شاطر او تسبگهه هلهوله

تتوسف کثیر او تسچب الـــــــــعبرات

علـــــــی ذنب ارتکبته ابعگل بیه لوله

تتخیّل حلم و انت الحــــــــلم و الطیف

مسلسل یرمــــی صوبک وانت مقتوله

لا عین القفت لا دیــــــــــره بیهه الخیر

لا مرود کحل لا فرحــــــــــه منشوله

دگ اعلی الصدروادفع رشاوی اهوای

او بوس اید القدر و اتوســــــد ابقوله

تکسب رادة الدنیا او هـــــــــوا الدینار

او عتبة ربّک البل گبر محمــــــــوله

حیل اویاک یل مادبرتــــــــــها ابشور

مطلوب اعلـــی راس انگطع سنسوله

یـــــــــــا موگد مظیفه الرحّب الخطّار

یا شمعه الدوت و ابــــــــرایه مشیوله

تتیتم اطفـــــــــــال او تنسبی النسوان

علیمن یا غلب یـــــــــا فکره معموله

شنهی الراح منّک بالغضب سکریت

لابس ثوب الاحمـــــــــر سبع تفتوله

عدّی للیضدّک طـــــــوف الحچایات

تتعدّه جبـــــــــــــل و الغیره معدوله

مـا یسوا العمر یخلص وفر وایموع

یا غزوة نبی یا حیره یـــــــــا دوله

جاسم ثعلبی (الحسّانی) 02/06/1396

 

 

 

ابوذّیات مالکات

ابوذّیات مالکات

 

خجل من لحنی فر قلمی و الـــــکتاب               الـــــکان ایفردش ابشعری والکتاب

بعد لا تنطق ابضدّی و الـــــــــــکتاب               ابنثر ارمیـــــــــــــک اذا تهجم علیّه

                                               ***

ابشبابی او ودعت لی اسباع و ابطال              انغدرت او هل لفانی الحزن و ابطال

ادوّر بالنفایه اکیــــــــــــاس و ابطال               و الاستعمار ظل ایحــــــــــــــود بیّه

                                              ***

بعد ما بیّه اجر قلمی و افــــــــر بیه                احس بالمخ بَرَد هــل صک وفر بیه

اهوم الیابلد لاجــــــــــــی و افر بیه                 و افوخن مـــــــــن هجوم الشعر لیّه

                                             ***

انتظر مکتوب من ولفــی و سربیه                  عهد ینطینی ابحبّه و ســــــــــر بیه

کلامه ناضج ابگلبی و ســــــر بیه                  امــــــن اشوفه ینمسح همّی ابشچیّه

                                             ***

یهل قابض دلیلی ارجـــوک عیده                   ابرمش عینک او لبس املوک عیده

هـــــــم تدری الگلب یا یوم عیده                   یـــــــــــــــوم الّی تجی و اتمر علیّه

                                             ***

ختلنی الهم قــــذف رمحه و صل بای             طبگ گلبی اوکسر ظهری وصل بای

اعجزت ما فادت اخوانی و صل بای             انتکلت اعلــــــــــــی القدر یحکم علیّه

                                             ***

جاسم ثعلبی (الحسّانی) 01/06/1396

 

 

#لطمیّه یا علی بویه

#لطمیّه یا علی بویه

یا علـــــــی بویه لتروح او تخلّینی

یا علی بویه بعدک یگضن اسنینی

***

نورک ایشع بالامامه، صیتک ایشافی العلیل

صادق او حکمک عداله،اسمک الیحمی الدخیل

انرفع صوتک من نبینه،او بصمه من رب الجلیل

حبک ابگلبی رسمته،او دمعتی ابعینی

 یا علـــــــی بویه لتروح او تخلّینی

یا علی بویه بعدک یگضن اسنینی

***

یا علی یا ابو المعالی،یا علیم الکل سئوال

انت کالدنیا او گمرها،تعرف الحل و الحلال

انت عالم انت بیرق،انت موصوف ابدلال

یا علی او دونک ذریر،او من یدلینی

یا علـــــــی بویه لتروح او تخلّینی

یا علی بویه بعدک یگضن اسنینی

***

مسجد الکوفه یداعی و الحزن هز الارکان

ابکربلاء او طیفک یناغی،ابگلبک الحب و الحنان

و العیون اتصب مخاطر،عبره مکتوبه ابزمان

یا علی او ضیف اعلی بابک، بویه حاچینی

یا علـــــــی بویه لتروح او تخلّینی

یا علی بویه بعدک یگضن اسنینی

***

یا مصیبه الدث جرحهه، او یا طریح المایعود

او یا ظلم کاتل حقایق،وصلت الگطع الزنود

انت والی للسعاده ،او بیتک اندگ بالحدود

تایه ابروج او زلالزل،یابه شافینی

یا علـــــــی بویه لتروح او تخلّینی

یا علی بویه بعدک یگضن اسنینی

***

وین ابو الغیره او حمیّه، او وینه حمّای الحمه

او وین ابو الماعنده والی ،او وینه سیفه او خاتمه

و الکفر ترست مگابر، و الجثث متلازمه

آه والمهدی تااخر،من یعازینی

یا علـــــــی بویه لتروح او تخلّینی

یا علی بویه بعدک یگضن اسنینی

***

ظلّت الکوفه تنادی، وینه نوره او شیمته

والیتیم ایحاچی امه،وین ابوی اوبسمته

تعتب الماعدهه والی،ما تنام او رادته

من نبع قطره اعلی قطره،ابدمه حنینی

یا علـــــــی بویه لتروح او تخلّینی

یا علی بویه بعدک یگضن اسنینی

***

الله یلعن کل خیانه،و الله یلعن کل لعین

ابن ملجم هز رسنهه، او گطّع اوصال الحنین

الثوره مطلوبه ابجهاده،او ثاره منصوب ابمعین

و الشهاده انجوم بزغت،بویه هنینی

یا علـــــــی بویه لتروح او تخلّینی

یا علی بویه بعدک یگضن اسنینی

***

شاعر اهل البیت:

جاسم ثعلبی (الحسّانی)

22/03/1396

بطلب من رادود اهل البیت عباس سلامی لی و لکم و له الاجر

 

 

#اغنیة العید: شافنی او صاح انتظر

#اغنیة العید: شافنی او صاح انتظر

شافنی او صاح انتظر عینی انتظر

اهلالــه هل هل بالسماء عید الفطر

الکل تبارک یا وطن فدوه العمر

الغیره تعبت بالسفر حان النصر

***

الف مبروک او سعاده ابجیتک

الناس مشتاقه الضیافه او عزمتک

و النشاما شع عزمها او حبّتک

ابیا سبب یا طیف منها تعتذر

شافنی او صاح انتظر عینی انتظر

اهلالــه هل هل بالسماء عید الفطر

***

والله یا دنیه مصیبه او هزّته

ماتت امنه او عاف ابونه سهرته

و العجیبه نار ربعه الحرگته

ابهالشهر مضموم اله او جاه القدر

شافنی او صاح انتظر عینی انتظر

اهلالــه هل هل بالسماء عید الفطر

***

الام تهلهل قصّه عدهه امعطره

الصور تحچی والدموع الماطره

او ذکریّات النایمه حدرالثری

و النخل حامل فکر هان الثمر

شافنی او صاح انتظر عینی انتظر

اهلالــه هل هل بالسماء عید الفطر

***

شافنی او صاح اعتقد عندک کلام

ایخسی الضرّک یا اصل عالی المقام

امه وحده الکل عرب بیت الختام

الصبر منّک یا صبر مل الصبر

شافنی او صاح انتظر عینی انتظر

اهلالــه هل هل بالسماء عید الفطر

***

اهلاله هل هل و اندفن سرّه ابگفاه

عدو عدنه عذبانی او عذباه

مدری اگولن مدری مرسومه ابهواه

الکان کاین من خطر رش المطر

شافنی او صاح انتظر عینی انتظر

اهلالــه هل هل بالسماء عید الفطر

***

جاسم ثعلبی(الحسّانی) 06/03/1396

بطلب من الفنان حکیم ابو عقیل الساری

 

 

#ابوذیّات عسلیّات

---

#ابوذیّات عسلیّات

عسل تنگط حلو حامض یمرنه

اشتعل من نار هجرانک یمرنه

دعیت الحب فـــرد مره یمرنه

طلع بـــــد ذات ما ینشد علیّه

***

هواک اشگد عذب یشگر تمرنه

التمور اخفاش بس حالی تمرنه

ابوکت الموزمه حاضر تمرنه

اصیرن لک جسرو اعبرعلیّه

***

احذرک لا تمس گلبی وعـــد بیه

ابوفاه ایفسّر احلامه وعـــــد بیه

هذاک الیوم اذا شافـــک وعدبیه

یحس بالناس زیّک و انت زیّه

***

انخطف گلبی من الحرمان و انهان

ادیب او حسدته العـــدوان و انهان

المصایب صوبّنه ابــــدان و نهان

نهن کل امــــل ینتج صرخه بیّه

***

الیخون اهله ابطمع و ابجاه خل بیه

مثل کــــوز السکرو اعلاه خل بیه

لا من جـــــــده اخذ محلاه خل بیه

اعتذر و النطفه ماهی امن الخویّه

***

الثقافه اترید صبر او فکر و انعام

هدیه امطرزه الـــکل بشر و انعام

یلوچ الشین یحمل قـــــهر و انعام

حکیم او یحــــــــکم ابذاته الوفیه

***

جاسم ثعلبی (الحسّانی) 30/02/1396

 

 

 

#غزل طرّیت الگلب

#غزل طرّیت الگلب

طرّیت الگلب بس ردت اشوفک وین

لابد بالمجـــــــــاری او تلمض الحالی

اعیونک من صخر متحذره للصدمات

علـــــــی مودک حبیبی انشلع دلالی

الــــک بیدر عتب ودیته سبع الوان

بالوان النــــــــــجوم ابظلمه تبرالی

ردت چلمت عهد تکتبهه بالنهتات

الگلب ما ینتحر الّی اعلی حب غالی

ارید اذبح نذر شات ابعشر صرخات

و افوخ امن الجذبنی امن اول او تالی

الشمس شمع المحبّه و الدموع الغیم

تمطر بـــــــــالحقایق و ابسعر عالی

سدیت الدرب مــا ضنتی یوم اتعود

تره روحـــــی النجابه التسعد امالی

 

جاسم ثعلبی (الحسّانی) 31/02/1396

اغنیة #عید الله

اغنیة #عید الله

شافوه،اهلال او بالسماء شافوه

المیّت و العدل زفّوه

ابمجالسنه العصر دائم یحاچینه

***

یا دار،ماکو بعدچ دار،عید الله او اجه خطّار

الفرح و النخوه تطفی النار

بزمور التفگ والحق یبارینه

***

عید ابعید او عاده ، للصایم و امجاده

بالهور او طرّاده،بدروب العسر دائم یدلینه

***

هیل ابگهوه امعطّر،الچای ابناره امخدّر

عید او قاصد یفتر

من ضیم الدهر دائم یشافینه

***

شبّان،تتعاید اجت شبان،بالشارع زهت میدان

مایه ایغرّج العطشان،یروینه

***

آیات،نازل بالگلب آیات،

هیهات،ما نحمل ظلم هیهات

امسافر من حضر بالسر یداوینه

***

هلّیت، اهلال او بالفرح هلّیت

بالبیت،شمع داوی او یضّوی البیت

کل عام او یواسینه

***

ثوار،بجنود الکرم ثوار

والدار،محروصه تضل الدار

ما طار،سیف الصبر والینه

***

ودّای، ما اگولن صرت ودّای

سهم طگنی او نبت بحشای

شچای، و الغیره تنبّع مای

وینه الّی یعادینه

***

جاسم ثعلبی (الحسّانی) 30/02/1396

 

بطلب من الفنان حکیم ابو عقیل الساری

ابودیّات ربیع الشمّات

ابودیّات ربیع الشمّات

تضل الذکریات اویـــــاک منساک

در انت او تذوب اجفـــاک منساک

طریق الحب رهم یرجاک منساک

ابذهب مصنوع بــــــدروب الوفیّه

***

تناولت الحنان اویـــــــــاک ولمات

او تحمّلت الشنط بـــــرجاک ولمات

العریضی ایحشّم ابطرواک والمات

یگل لی عـــــــوف خل یشبع اذیّه

***

امکسّر مـــــــــا یفیدک سمر وجّر

او نحیبک سهم وسط احشای وجّر

نخیت اهــــــل الوفه البلواک وجّر

اشمجیبک للـــــدرب تگلب علیّه

***

انگطع حبل الوصل برجاک و اهلاک

مشاکل طومـــرت و اشراک و اهلاک

لون شمس او گمر و افلاک و اهلاک

اطمیعی او تکـــــــــرم ابمال الخویّه

***

ربیع او گلبـــی ون و انعاب و ارباع

ابسوگ اهل الوفاء و انساب و ارباع

دفعت الثمن نص و اسباب و ارباع

او تگل لی الباقی هــم یصعب علیّه

***

الگطع حبل الوصـــل حاقد واناراک

حرگــــت الیابس او اخضر واناراک

ملک جالس علی الکرسی واناراک

الامر بیدک تحــــــــل و اتشد بدیّه

***

 

جاسم ثعلبی (الحسّانی) 20/01/1396