(هوسات تخص الاخوان)

 

انت اخوی او انه اخیک من فرد ابٍ و جد

الکرامه و الشجاعه های من ربک وعد

زور کل احباب گلبک صل الی رحمک سعد

لتربع لا توگع بیهه

***

ثلث تیام افکر بیک و انته ابلحظه ناسینی

هدیت الگلب والشریان حبک والله سابینی

اخاف اتروح و اضل اوحید یا هو الی یباریبنی

یا دار العز لا تنسانی

***

اخیک دوم باریله ولا تترک هواه ابعید

الما عنده اخو یا ناس ما یتسمی کل صندید

یضل مهدور لل  عربان لو یلبس لباس اجدید

سد جرح الخوه او داویهه

***

هله یا شمعة الخوان یا سید معالیهه

تجول الگوم یا مگرود بل خوه او مواسیهه

الما عنده اخو میشوم تیه کل معانیهه

ما یطبج حبله ابدورینه

***

اخوک احزام ظهرک تچله اشویه

عنید او تاه باگوه الحرامیه

طوّل له الحبل و احچایه محچیه

ما تفرق من زینه او شینه

***

اذا ضاگت علیک اضکر اخیک دوم

لو طگ التفگ احزام الک مضموم

ساتر یسترک صدره الکشف معلوم

یتصده ابصدره الکل چیله

***

(هوسات تخص الاصدقاء)

 

هله ابصدقان اخوی او هله ابلمتهم

نشف مای البحر والغیره جابتم

رفعوا راسی عند الناس جیتهم

یا ناس الصدقه اشمحلاهه

***

ارید اسئل سئوال الیوم ، و ارد اتنیشن ابعنوان

الصدیق الاعز لو خیک ، تجاوبنی ابفخر یفلان

صدگ راعی المثل لو گال ، اخوک اذ کان صادقته عظیم الشان

هم صادق هم یوفی ابدینه

***

ارید اعتب و العتب عافانی و اتعذّر

یگلی شیل منی ابساع لا تخسر

علی الصدقان شد الحیل و اتبختر

اتبختر لو یمی اصحابی

***

طریج الصدقه ممشی او کلنه عبریناه

ابوکت العسر واگفلک عمد تلگاه

یدگ ارچابه بل حد لو غفل تنخاه

ما یرجع لو گطعوا راسه

***

اچم مره الزمان امجرب الصدقان

جسمین ابفرد روح او گلب نیشان

ابوکت الضیج ما نامن اعیونه افلان

یتفزّز من نوم احلامه

***

اخذ من السواری الصدقه و الغیره

الحیادر اخو للصاحب او تفسیره

بعد شنگول لل مسجون تحریره

شد حیلک ربک ویانه

***

من الشاعر جاسم امحمد الجبیره الحسانی

السلیماوی الساری 04/03/1391