هوسات العریس مع اصدقائه
شعلت اشموع حبک بل گلب نیشــان
گمر ضوّن ثنیته او شاهدت عینـــــی
ما تدری ابحبک انه الولهـــــــــــــان
دش الفرح بل دم فک شرایینــــــــی
ضل یرگص شعر راسی اعتقد بنغـــام
مال اویه اهوا کل عمره بسنینـــــــــی
ما تنخانی بفراحک اجی یفــــــــــلان
قصبن علی ایامی ایدلن احنینـــــــــی
الگلب منسوب حبه الجنتک عطشـــان
نار اهوای طفّت و انته سابینــــــــــــی
حضرت ابعرسک اوگف یا کریم الشان
ما تهت الدرب صوتک یدلینـــــــــــی
کتبت اشعاری تدری والگلب تعبــــان
من جور الزمان انت المسلینـــــــــی
غسلت اهموم گلبی والتجیت اعلیــک
رجاء اترجاک لا تسکت او حاچینـــی
تدری بیّه احبّک من گلب و الســـان
متعنی اجیتک یا بعد عینــــــــــــی
هل یوم اصبح عید ایامــــــــــــــی
الجواب:
اشکر جیّتک یا اخوی واشکر رنت اشعــــــارک
حضرت ابواجبی هل یوم او ضوّیت ابفخر دارک
انت سلوتی او دنیای جیت ابجیتک اتشــــــارک
فک باب الصدقه او ضویهــــــــــــــــــــــــه
***
دریتک صاحب الشدات چم مره شهدنالک
انت البل وفاء نیشان او بل خوه دعینالــــک
تستاهل یبو الشیمه و ابدمنه کتبنالــــــــک
یا احسن صاحب لخوانـــــــــــــــــــــــه
الجواب:
اصیرن خادم او ممنون لل خوه انتشع بیــــــــــــهه
مو بس انه الجیدون اشهدنک عجید او انته راعیــــهه
انت السامحت لل گال طوف الخوه لو ما کو معادیـهه
لو لچه الهم وین اصحابـــــــــــــــــــــــــــــــــه
***
عندی احباب او گرایب او عندی اخوان او عمام
افتخر بیهم اصحابی اتحزمت بیهم احــــــــــزام
ما فرح گلبی ابجفاهم عفیه عین الماتنــــــــــام
افدیکم بصبی اعیونــــــــــــــــــــــــــــــــی
الجواب:
زود واحچی او شد کلامک احنه عد عینک نظر
جرب السیف المجرب ما یهاب امن الخــــطر
امِر او تلگانه یمک اسهام نرمی کل مـــــــطر
لو طیر ایمر نگطع راســــــــــــــــــــــــــه
***
جینه انهنی او نبارک کل اخو طیب الکلام
انتمنا لک ایامک بل سعاده لل عمـــــام
السلامه و الامان ایکون زهرة کل ختــام
ایام الخیر اسعد بیـــــــــــــــــــــــهه
الجواب:
شکراً ابجیتکم النه ارفعتوا راسی والصدر
دوم اضل ممنونم منکم وابسمای انتم بدر
الله یحفظکم یخوتی ابقدرته من کل امــر
واسراج الصدقه ایشع نــــــــــــــــوره
***
اجینه من دیار ابعیده متعنــــــــین
ندور علی الصدقه کل شی ما راجین
لا مال او حلال او احنه مهضومــــین
قصدینه الصدقه انباریــــــــــــهه
الجواب:
افرح بیکم یصدقانی امن اشوفنـکم
او ضی اوجودکم نوّر ابدیرتکـــــم
کل شی ایهون تحت اقدام دشتکم
مشکور او اوفی ابکل دینـــــــــی
***
میمون الفرح هل یوم نتبارک اتعنیــــــــنه
الصدیق الچان نوره ایشع و امضوی محارینـه
یستاهل ابعرسه انگوم او نخدم کل دواوینه
خسران الما یحضر یومــــــــــــــــــــــه
الجواب:
هله ابعنوتکم اخوانی فرّحتوا الگلب والــــروح
داویتوا جمیع اعضای ما ضل کل جرح مجروح
اریدنکم ضخر لل جای او ننسه الایّمه و النــوح
کل دار ایشع واحد بیهـــــــــــــــــــــــــــــه
***
انت اهلال السلامه او شمسک احذالک تنــــــور
انت عامود الصداقه ابجالک اخوانک تـــــــدور
من ابوک اوجدک انته صرت مرکب و النه سور
امعزب بل بر خطـــــــــــــــــــــــــــــــاره
الجواب:
تعلّمت الوفاء منکم یخوتی و العزوبیه
لو مای البحر ینشف ما معنی ابشواطیه
انتم سلوتی ابدنیای بیکم شیمه عربیه
لو حاتم حی چا شکراهــــــــــــــــه
***
انتم بیت معروفین ترن ادلاله یومیـــــــــــــه
من الاهواز تتعنی البسیتین یشهد و الحمیدیـــه
ما ملیتو الخطار ابوکم تاج راسی و اجلس ابضیه
من حگه اعلن واحچی ابـــــــــــــــــــــزوده
الجواب:
العشایر و الطوایف کلهه و العربـــــان
الساری ، الطرفی و الحیدری خذنیشان
باقی اخواننّه متصدره بل عنــــــــــوان
والیکرم زاد الله اکرامـــــــــــــــــــه
***
یا شجاع المرجله یبن الامیـن
یا عریف الگوم یا درع الثمین
انت بخلاقک زرعت الیاسمین
من صبرک ماخذ نیشانــــــه
الجواب:
الشجاعه مولزم سیفه او یدگ بیهه
ولا تفگه و احزام الفشگ معنیهـــه
الشجاعه العلم و الحلم الیداویهــه
ذب تفگه اولاذ ابشرداتــــــــــــه
***
ارد اکمل نص کلامک وارد ازیدنک علــوم
ابطال منحدرین بیهه حگنه لل واجب نگوم
الشجاع ابعگله حارب ما قتل نفس ابسموم
عاشر کل ناس المعروفـــــــــــــــــــــه
الجواب:
الدار محمیه باهلهه لوگرب یمهه الهدیــر
ابطال متحزمه ابعلمهه اوتفدی الدم الطهیر
مو مثل ذاک المسودن ینثر الارض ابسفیر
ما خضر لورش اتنونــــــــــــــــــــــــه
***
جاسم امحمد الجبیره الحسّانی السلیماوی الساری
12/03/1391
الشاعر جاسم ثعلبی ملقب ب (الحسّانی) والدی محمد جابر الحسان سلیماوی ساری الاصل و النسب ولدت فی قریة العمه من توابع مدینة الخفاجیه قاطع شط النیسان موالید اول ربیع 1981 نشات فی القریه و قروی و احب الریف و اطواره المدهشه و تعلمت ما تعلمت تبعد قریتی عن هور الحویزه بضع کیلو مترات ثم بسبب نشوب حرب هاجرت مع العایله الی رامز ثم الی مدینة الاهواز قرات فی القریه الی خامس ابتدایی و فی الخفاجیه الی دیپلم بفرع الثقافه و الادب اخذت رتبة بکلاریوس فی مدینة الاهواز ثم عملت مدرس و و بعد ذلک تقاعدت و فی الحال الحاضر امارس الشعر و الادب و کل ما اراه ارسمه فی لمحه ادبیه و الحمد لله رب العالمین علی ما اعطانی من موهبه و توفیق و اشکر ممن ساعدنی علی نشر و طبع کتبی و اشکر القاری و القاریه علی بذل وقتهم لتحمل شرار نبذات اشعاری و الشکر لکم واصل. داعیکم جاسم ثعلبی (الحسّانی)