غزل ربیتک طفل فی حق الام

غزل ربیتک طفل فی حق الام

ربیتک طفل ما تعرف امک زین

او سهرت اویاک حد الصبح لیلیه

الولی اعلیک و انت اعلی المهد مطروح

الگلب فرحان چن مالک لی  حوریه

اگمطک بالصبر من در ثدی الغذاک

او درّستک درس ضد العبودیه

او غسلتک بالدموع التجری عالخدین

تراقبها الرموش ابعینی مخفیه

او کتبت اسمک ابذاتی شافه ملک الموت

مفتول ابحیاتی او روحی مسبیه

و اعاین لک شمس ما تنشرا او تبتاع

ذهب صافی او حلال اباذنی ترچیه

اضمک عالسدر لو صخنت لحظات

یون گلبی علیک او کل چلاویه

عشت عمری او حیاتک ما ترکتک یوم

صرت دایه الخیالی ابکل معانیه

لزمت ایدک او مشیتک مشی او زحفیت

فرحان ابطفل یتبعنی یومیه

کبرت او گمت تزعل منی لو ملیت

تجرحنی ابکلامک و انی علویه

اشور بیک اشور و اهدم الوزاک

و اخذ حق عذابی امن الحرامیه

ما اقبل تدحلب ما اود افصول

اربات الام لبنها قصه مرویه

ما ابیع اللبن ما ابیعن الربّاک

لا تحثر صدگ و الخالق اربیه

ولک حنیت الک یشبه حنین النوگ

او حطیتک ابعینی او چنی فصلیه

طرت ویه الطیور او انت لی جنحان

کسّرت الموانع بالسماء ابفیه

لا تنکرنی اضرک ما بخلت اعلیک

حتی الدم قسم لک تارک الدیه

الشامت ما رحمنی او چوه گلبی ابنار

برّینی یطامع مانی حرمیه

الذنب گلبی الهدانی اتوهگیت ویاک

لا تجبر فعل بس صفی النیه

اریدک مرود اسنینی او تکحل العین

او زیل العوز منی او دگ لی چوبیه

اریدک تضوی داری لو طرحنی الشیب

اریدک عینی اریدک بیدی عوچیه

خلنه امن العشگ ما ترضی نحلف بیه

نشف شاطی غرامی ابمهر طاریه

ترید اردود اگلک خوش اگلک فوت

اتبعک للگبر و ادفع مصاریه

ما اعوفک ابد لو تندفن بالگاع

اداعی الباگ روحک و افلک ابزیه

ادش محراب گبرک و انطرح ویاک

و اشم ریحت ورد و اتمدد اشویه

و ابوسک بالحلگ و اتمنی بیدی اتصیر

محبس منحبس من دون اهالیه

و اسس محکمه و القاضی گلبی اویاک

او یثبت اعدام جرمک کل محاچیه

و احط بیرق رسم للی یخون ارباه

و ادگه اعلی النجم تشهد حوالیه

و اخلی الدمعه تحکم ما تردهه اجیوش

و اخلی اهل الوفاء عسکر معالیه

عهد مکتوب الک خل تسمع الظلام

اریدک والله اریدک و افتخر بیه

من الشاعر الشعبی :

جاسم ثعلبی (الحسانی) 31/04/1394

22/07/2015

 

 

 

غزل حواجب ذهب

غزل حواجب ذهب

رجف گلبی ذکر وناتک الحلوات

او فتح دفتر حیاته او سهرت احزانک

جلب صورة خیالک بالمطر و الغیم

او کشف سر المحبه اباسفل اردانک

لگه نهضت غرامه او بالگلب مرسوم

احبک واخشی گلبی الجالس احذالک

او نظر سهم الخیانه او ینزف الدم فیه

دش امن السدر و اتعده ضرعانک

خجلت امن المحنه التبتسم بالعین

او حواجبها ذهب و اتعذب الهانک

فرح گلبی السعاده من شفاک اتلوگ

او نبض گلبی یدگ من یعذف السانک

یشع خدک شمس و ایضوی دار الموت

ببو فاضل حلفلک گلبی ما خانک

چا لیش امن اگلک بیک انا ولهان

مثل نجمه ابسماء تتغیر الوانک

جاسم ثعلبی (الحسانی) 31/04/1394

22/07/1394

 

 

 

 

 

غزل نار کبری

غزل نار کبری

روح او لا ترد خلینی ارید انساک

تعبت اویاک عمری او ما شفت طیبک

تتحسد علی و الچتلی قاصد لیش

مثل الشمس بالجو و اکشف ابعیبک

ولک رب الخلقنی ما یجوز اویای

تزامطنی او تغثنی من کثر شیبک

حملتک ورده بیدی و اشتم ابطرواک

و اغرد بالهوا و اسمع التغریدک

صرت حیه ابحیاتی او تکتم الدغات

عگرب چنت تلسع بیه متفیدک

تحل واتشد مشاکل تصنع الصدمات

حفرت البیر جدامی او هدم بیتک

تتمرحب چذب و اعیونک اتدث نار

ما اخاف الغدر میهمنی تهدیدک

ربیت اویاک من طبعک عرفت الغیض

لا تکذب بعد و اتظاهر ابعیدک

تفتل بالفتن و اتراوی روحک حید

ولک یا حید بید النسوه تمجیدک

اعلمک و اعتقد تتعلم الطیبات

اشو ما فاد تعلومی او سقط صیتک

تفتل بالشوارب تلفظ ابایات

ولک یا آیه تصدق بیها تعریبک

راهنتک حبیب او تشفی الدلال

لگیتک نار کبری اتشگگ ابزیجک

هم تدری الشجر صیته فیای البیه

تشلع قصنه تعبث والطبر بیدک

عساها اببخت کلمن رهمانی اویاک

الگلب کش من طلقتک ما حمل صیدک

یرید العزه و العیشه او یضل تمثال

ابدوار الثقافه او یخشی تسلیبک

جاسم ثعلبی (الحسانی) 31/04/1394

 

22/07/2015

ابوذیات طلقات تایهات

ابوذیات طلقات تایهات

اعلی گلبی اهموم اقسمه ابنظر یو رای

او علی الطیبین اوزعه او یفر یورای

ابعناده الی تقدم علی یورای

سبوس ابشلب ما عنده تچیه

***

الکبر ما ینوکل عاصی ثماراه

او ضوگ الشهم من طبعه ثماراه

التبع مرته بعزوبیته ثماراه

یضل طعمه بشع و ایغث خویه

***

بصمت ابدمی صلحی اویاک و نهار

الوصالک تعبتنی اللیال و نهار

 عبرت الطاعتک ابار و انهار

ترید اتجازی حبی ابطلقه بیه

***

جاسم ثعلبی (الحسانی) 30/04/1394

 

21/07/2015

قصیده یوم شفتک

قصیده یوم شفتک

یوم شفتک

یوم ضفتک

حاتم الطایی عرفتک

و اعلی شانک فتّحت کل الدروب

اوگلبی بفراگک یذوب

اول وآخر حیاتی

چلمت اسمک

لبط بالسانی او ندبتک

الدنیا شرجی

او مای بارد

و العطش غثنی او شربتک

یا هواک النسم ابداری المحنه

من تفارگنه او سهرنه

بیتک ابگلبی مکانه

اشلون امنعک

چن ضحیه

ابحبل زلفک

شبگونی

اتچتفت بثنین ادیه

للضیوف

اویای کثره امن الضحایا

امعلگه ابحبک تحوف

لمعة اعیونک تکرهب

تذبح ابراسی و اروف

و الجدور اتفور یمک

بیهه الف جثه او تطوف

و انت متهنی ابغرفتک

یا حسافه الحب جلبنه

او یبس احلامه مطرنه

ما هربنه

او لا نهبنه

صرنه للیاکل سفوف

انشافی مرضی

او ما ترکتک

حتی صار افرور لحمی

او گلبی ینبض من سکتّک

یا محنتک

یا محنتک

من عرفتک

جاسم ثعلبی (الحسانی) 30/04/1394

 

21/07/2015

غزل مجروح الگلب

غزل مجروح الگلب

مجروح الگلب دم ینزف الشریان

ضمّدنی الصبر بوهامه لفانی

ترکت الذکریات او رکزت بالدین

او طلبت الموهبه من ربی دلانی

داریتک هوا من السماء للگاع

لان اسمک حبیب اترید تنسانی

نشف شاطی بسمتک بالدموع ایعیل

وگفت اعلی اللیامه او صحت هذا آنی

ادگ بهمومی حنضل و الهم اچندوب

مرمرنی مرامک لو تحب ثانی

انتظرتک و الشفایف تهمس ابترحیب

متعمد عذابک و انت سجّانی

ما اطوف الرده حبک صبح چتال

یسحرنی ابسحوره ابصومه دلانی

الناس اتصوم تعبد بس شهر رمضان

و انا کل سنتی صایم ربی شافانی

مثل طیر المدلل لا یطیر ابعید

او لا ینکض بالاید ابجرحی لچمانی

ولک والله ابتلیت ابعشرت السلطان

تتمرحب چذب و امغیر الوانی

عطش گلبی اعلی شوفک و التهب نیران

امص بالگاع احسب بلچی تروانی

یا گلبی انچویت ابجمره تشوی النار

قسمتک من نصیب اشمالک اتعانی

تهز شجرة وصالک و انتظر رمان

طعم مس الشفایف خدر السانی

طعم رمان سدره ایکثر احزانی

جاسم ثعلبی (الحسانی) 29/04/1394

20/07/2015

 

 

 

غزل عمیل اسمک عرفته

غزل عمیل اسمک عرفته

عمیل اسمک عرفته او تطرب اویه اعدای

یا اخوی المذله اتجلب الوانی

لا تنسی اللبن من در ثدی امک مای

ما هزک ضمیرک یوم ضرانی

مثل جرف النهر داریتک ابممشاک

یا روج الکسرنی او هدم اسنانی

فرحت ابدشتک و العبره بالبلعوم

خنگتنی او فرحتی اتعذب السانی

رفعتک للنجوم او رحبّت لک حیل

نکرت او ما گلت فد یوم ذمانی

تذکر غلطتک یوم الرکبنی الشوم

تتحسد عبث بس الله نجانی

الرزق من ربی حکمه او ما یرده العوز

او علی درب الصراط ابروعه مشانی

الکذب ما یبنی بیت او لا یعلی الصیت

صدّگ طاعت الرب بیهه عنوانی

خاتل لی ابکلامی لو سکرت اویاک

تجمع بالغلط ما تلزم اعنانی

ترید اتذم خویک لجل طاسة فوح

تشربها او تغرّک و انه تنسانی

ولک آنا عضیدک یوم طگ الدان

تلوذ ابسد چلمتی او نکهت الحانی

تفاخر بالیکرمک و الیود طاریک

وصیتک وصیه او ناکر امتانی

مثل ما هددتنی ابطلقه تکتم صوت

کل هذا العملته او تفتخر جانی

ارمی اولا تندم خلنی طعمة غیض

فاتح لک سدر جاسم الحسانی

متریگ چنت بیه ابسجن دخلیت

و اتغده ابخلفتی او عاشر احزانی

لا تنکر عرفتک من صرت چتال

الیاخذ ثار چتلی ابدربک امتانی

جاسم ثعلبی (الحسانی) 29/04/1394

 

20/07/2015

قصیده انت السبب

قصیده انت السبب

ملیانه روحی امن التعب

متحیره بیک انت السبب

عندی عتب نار ابذهب

شافونی اون لر و عرب

***

حتی الجبل ون وانتحب

حسیت اضن موتی گرب

مجروحه روحی او دم تصب

تلچمهه و اتچمل ذنب

***

ترعد علی وآنا ابتسم

تمطر علی و آنا افتهم

تغضب علی و آنا ابسلم

متروکه سالفتی الشعب

***

تتحلم او ترسل شعر

باستنی عینک تفتخر

لامسنی گلبک محتضر

عطشان و ابدمعی شرب

***

طلبیت الاقیک او سبت

و متواعد الغیری او تبت

دورتک ابلحظه او غبت

متسلح ابعار الهرب

***

تحرگنی و ابنارک اگب

و اتدور اویای الغلب

و ابراسک ایدور الحرب

مفتون و اقوالک رعب

***

جاسوس و اتدور الصلح

ما غزر اویاک الملح

لو صادج اشویه انطرح

یستانس اویاک الگلب

***

لو صادق او تصدق علی

گلبی ابمحبتک مبتلی

لتخاف احرصک من هلی

او حبک ابدلالی انکتب

***

من کلمات الشاعر:

جاسم ثعلبی (الحسانی) 26/04/1394

 

18/07/2015

غزل ما اعاید

غزل ما اعاید

ما اعاید اذا تنسانی یوم العید

البس ثوب حزنی او ما اذبنه

اذا نشدونی ربعی عذری ابوی المات

اطلعه امن الگبر واردود ادفننه

هیچ اویاک صارت عشرة الملچوم

ترید الراح منی امنین اجیبنه

ترکت ابذکریاتک چم عسر و اهموم

اطباعی اتبدلت بذنوبک اتهنه

تذوب الفرحه بیدک تعزم الهه اطبول

و انا اببحر الحزن نایم و اغرگنه

تشهد الناس عاقل ما یهزک ریح

منّک ایست و انگطعت الضنه

ارکب فوگ فانوس الفلک باللیل

الگمر یترجه بیک او ما ترد منه

علیمن هالزعل و امطفی نار الشوگ

ما اضیفک ابد و البیتک اتعنه

التکبر ما یعلی الراس للطیبین

هذاک الشاد خشمه او بالبحر سنه

ما تحتاج ادرسک و انت ملک الموت

تزامطنی او تگلی الموت اموتنه

چا گللی شسوی و الگلب یهواک

تقبل بالشماته اردود احرگنه

ولک ما ضل طبیب او ما رحت له او گال

گلبک ملتهب محتاج اگصّنه

ابدله ابگلب قاسی ما یعرف الاه

و اببین الضلوع اثبات ادگنه

و امحی الذکریات التسحر الدلال

و احط کومة صخر و ابطین اترسنه

و اهز احلامی بیدی و الزم المسحاه

و اجر خاین الصدقه ابصحرا اطمنه

و افوخ الناس من کل بد وفه او بد ذات

و اشتل بالمگابر جثث و اتسنه

هدول الما یمثلون العشگ بالراس

یمثلون العشگ بالصره و اتدنه

علیهم حکم قلمی حفر عشر امتار

و ادهسهم دهس و العار اطوفنه

تضل انته یگلبی ابامر عزرائیل

تقبل من یعذبک بیدی اسمنه

تقبل من یعذبک بیدی اعدمنه

جاسم ثعلبی (الحسانی) 25/04/1394

16/07/2015

 

 

 

 

غزل عیدک امبارک

غزل عیدک امبارک

عیدک امبارک حبیبی او بکری عید

ما منعنی الصوم و اتعنیتک

درب ما ممشی او صریم او شوک بیه

لا تعجب حافی اجیت البیتک

من وصلت الدیرتک طگنی هواک

نسّم اعلی الگلب وک شمیتک

احاه یا ریع الزرع و ابعرجه مای

ینزل اعلی الصدرنکهت ریحتک

خبلتنی او ما شفت دربی ابسماک

سکّرت روحی ابملامح صیحتک

شفتک امفرع او کاشفلی الزلوف

ابگلبی اتربیت احس من طیحتک

من تلگیتک او شلتک عینی فوگ

اثنین ادیه او سدری یشهد میلتک

گتلک امبارک حبیبی او بکری عید

جیتک امقدم التهانی العیدک

والله احبک محتصر و اشتم بدیک

اتطفی ناری البالگلب من هیبتک

هاک عینی هاک دلالی الحزین

لو تقبله او لو ابد میعید لک

روح خیط اجروح ملیانه ابعذاب

هذا طبعک لو تحب میفید لک

جاسم ثعلبی (الحسانی) 25/04/1394

16/07/2015

 

 

 

غزل عید و حب

غزل عید و حب

قبل عید الفطر جیت انه اهنیک

اعتنیتک و انت ما تنشد علیه

عطشت الشوفتک و ادموعی اتسیل

هدیتک گلبی و الورده بدیه

دخلت اببحر حبک و انه خجلان

او مسحت الزعل من روحی النقیه

لیش اتغیضنی او بهمومی مدفون

امچفن بالفکر و ارجی المنیه

اون باللیل بلکت یسمع الغاب

ما منّه خبر لا کو وصیه

انجرحت او مددتنی ابدرب الخباث

رمش عینک ذبحنی ابعنجهیه

مو مسلم کشفتک و اهلک ایهود

لا عندک وفه او لا لک خطیه

اخذ روحی العزیزه او خلنی ارتاح

او طمنی بالگبر وانت البلیه

ما مرتاح منک یا ضوه البیت

طبعک مرمرانی ابکل زویه

دلال البیک حطمنی او صحت آخ

تلمعنی ابذهب باذنک شهیه

تعلّگ گلبی فوگ اخدوک البیض

مهتم بیک  یالذاتک ردیه

انطر عالزلف لو عالسدر جاف

اوجبت عمری اناصرهالقضیه

عساها اببخت کلمن عرفانی اویاک

او علمنی العشگ و احلامه وحشیه

تبت و اگلیبی شاهد لو یعود ابلیه

اگصه امن العرج و اشلع چلاویه

جاسم ثعلبی (الحسانی) 25/04/1394

16/07/2015

 

 

غزل الحب مدرسه

غزل الحب مدرسه

لا تجافی من هو گال الحب حرام

جنه جنه الحب شفا او حبینه

باسم محبوبی انام او اصحه نوم

من هو گال امن العشگ ملینه

یا عذاب او یا مشقه او یا خساره او یا ندامه

الحب جمال الخاطره اشتمینه

و الخیانه اتبلل ارموش الشباب

الحب مدرسه ابصفها و اتربینه

الحب شطاره الحب اماره الحب عتاب

الحب فرد مفهوم عده او زینه

کافی گلبی ارجوک کف من الجدال

الدنیا ظلمه الحب گمر یرویلنه

لا تبرهن صنعوا الحب ابمرار

قدسوه و اشترکوا ابتضمینه

اگلوب ما نامت تفکر بالدلال

ابذکریات احلامها اتهنینه

حکمه عند العاشگ ایشوف الحبیب

گلب یدری ابگلب من یحچیلنه

های نبذه امن العشگ یلی چویت

لا توفی الطلب خلنه ابدیننه

جاسم ثعلبی (الحسانی) 24/04/1394

 

15/07/2015

غزل ارید انساک

غزل ارید انساک

ارید انساک اسولف وحدی نص اللیل

یعاتبنی ضمیری اشلون حبیتک

صعب لازم افکر و العشگ چتال

گضیت اسنین عمری ناطر البیتک

شفت منک عذاب ایفلش الدلال

اشوف اتهدم ابگلبی او کرمیتک

کرهونی اعلی مودک حتی اعز الناس

او مثل الطفل شلتک بیدی باریتک

انطیتک روحی بس لا ما وفیت اویای

احچیهه ابصراحه او گول عابیتک؟

وزنتک ذهب فوگ الذهب صدمات

او بعت بیتی ابمقابل سعر ترچیتک

متت و ارکض وراک و انت نایم لیش

یا یوم الصحت لی ابگلبی سبیتک

اتگللی احبک مبتلی یابه ابتلیت

وانت ما تدرک بحر حنیتک

مستانس ابروجک غرگ البلام

عمت عین النهار الفضح بوشیتک

الیتیم الربّه حبه او عابد الدمعات

باضلوع الشجر متهدمه چالیتک

ولک الله واکبر هدمیت الروح

یگلبی الله یهجم من هجم بیتک

جاسم ثعلبی (الحسانی) 22/04/1394

13/07/2015

 

 

 

غزل یوم العید

غزل یوم العید

تشیل ارموشک او ترمی عبث یهوای

تزامطنی او تگللی روح ما اریدک

السبب شنهی او تطالب بالهجر ترتاح

وضح لی ابصراحه او گول ملیتک

یوم العید کنسلت الاهل و الناس

عایدت الگلب و انطیته عیدیتک

ادگ بالباب حایر لا یشوف الجار

ایتراوالی ابخیالی لمع ترچیتک

حضنتک و الدمع مترادی عالخدین

باحسن امنیاته او قاصد ایصیدک

او تذکر یوم گلبک خرمشاه البین

اجیتک ملتهب بس ردنی تردیدک

ما طالع ذنب منی او کرهت العید

لا تتهم حبیبک باچر ایفیدک

روح اسئل ابگلبک و اقرا تغریدک

جاسم ثعلبی (الحسانی) 22/04/1394

13/07/2015