یمن ریتک....

 

یمن ریتک مرض لا یشفاء بکتــاب

او عساک ابگبر تحت الگاع محفـور

یا دفان زید اترابه متریـــــــــــــــــــــــــــــــــــــن

او عساء روحه ابد ما تشتم النــور

***

شیل الراس واسمع چلمتی زین

اناء ویاک یل تیهت دربــــک

توز و اتفردش الخوان چالیــش

شعلت النار یل ما خفت ربــک

***

حسافه ربی صوّرنی انه احــذاک

زرعکم صوفر او کل ثمر ما بیه

طعمه لل غریب او تخدم ابزوم

للخوه مریض امدوحس ایدیــه

***

الحد من هل جریر او ما تجوزون

طشرتوا هوای او صرتوا صبّــــه

ابکل دیره سکنتوا والگلــب ذاب

علی تیس المطی وجرتوا ربّـــه

***

شباب اوعوا او فزّوا من هل اشبــاچ

العتب للجابکم والرتباکـــــــــم

درس ماکوا جگایر بس تسفتــــون

اومضیف اجوادم  ما ظن دعاکـــم

***

اجرشوا و البدوا داخل المختـــــال

یصیاد الطیور اعرف مصیــــــرک

ابتلیت اویاکم او ضیّعت کل صوب

علی راسک تحس ینزل خریــرک

***

اشهدوا یا جماعه او گلبی ولهــــان

علی العایف الحگ و ایدور بطلـــه

المای احذاه عطشان ابنوایـــــــاه

طرح بل بیر دوله او خسف سطله

***

شباب ازنوج صارت للغریبیـــــن

او کبار السن نسوا طاعات الاحباب

جذع نخله امچردس من تعنــــاه

تنصحه او ما یفیده العتب ما تاب

***

العذر منکم یخوتی لا تلومــــــون

ترا ملیت من جمع المجانــــــین

رجاء لا تسئلوا چا وین الاخــــوان

الحضر ویای صایر شمعه بل عیـن

***

اظن عرفیتوا سیرت گلبی یا ناس

درستوا اهموم گلبی من جفاکـم

حچوا ذبوا تهایم علی لا بــــاس

او گلبی نزف دم او ما نساهـــم

***

جاسم محمد الجبیره الحسّانی الساری

07/06/1391

 

ابوذیات الشباب

 

 

تعاونت اویه همی  او سلّبانـــی (سلّبانی)

او عرفنی زین لاکن سلّبانــی(سئل ابنی)

حمد نفسه ابکراهه او سلّبانی(سئل بانی)

جلب موتی اذا اترکه اباذیـــــــــــه

***

یهیعونه السکن گلبــــک و داراک ( دارک)

احبّن اجلس اببیتـــک و داراک ( اساعدک)

گلبی سکن بجفونک و داراک ( ایدور علیک)

طیعه او لا تشمت الناس بیــــــــــــــه

***

طور اغناک فلّش گلبی آنــــــــه ( گلبی)

عجیب الصوت لاکن گلبی آنــه ( قل بیانه)

قوافی الوان شفنه او گلبی آنه ( قالبه آلنـه)

انکسر قالب الصدقه او نشف میـــــــــه

***

حزینه الروح ما فرحت و عــــادت ( عیدت)

طردهه البین من حضنک و عادت (و رجعت)

سمعت البچی ابذاکرکم و عادت ( تواعدت)

تموت او لا تواسیک ابمنــــــــــــــــیه

***

شبابی اویاک گذّرته او تعادیـــــــت ( تعدّیت)

لجل حبک مع احبابی تعادیـــــــت ( عادیتهم)

اشکثر عیلات من عندی تعادیت ( انت عدیت)

اشکرک دوم عمرت الثنیـــــــــــــــــــه

***

شباب اویاکم اخدونی خیلکم (اخ الکم)

اشد ارچاب و اترجل خیلکــم (خیلکم)

اعتبوا لو شفت مره خیلکـم ( خیالکم)

علی حبکم فرحت ابهل مســـــــیه

***

بعد ما ضل صبر عندی و لا مـر ( ولا امر)

شربت الصبر من غصبن ولا مـر ( ولو مر)

نسیتونی اذا منشد ولا مــــر ( ولا اسئل)

عساهه اببخت من باع الثنـــــــــــیه

***

شفتنی او درت وجهک ماردتنی ( ما تریدنی)

ابسبب دنیاک خانت ما ردتنـی( ما رادتنی)

ابمضیفک عطشتنی ما ردتنـی( ما شربتنی)

خسیس اصبحت ما تسوا الهویــــــــــه

***

ارید اسهر و انظم اشعار واکتــــــــاب ( کتب)

اعلی ذاک الچان عاده اهواه و اکتاب( ولک تاب)

علی هجرک اجر ابنوح واکتـــــاب ( و اکتب)

یجینی لو احبه ابیت ابیــــــــــــــــــــه

***

اکتبوا فوگ راسی مات ابونه ( مات ابونه)

ابوکم دوم حبکم مات ابونـه (ما تردونه)

معلم درّساکم مات ابــونه ( ما تهابونه)

انتِظَر ریحت هواکم بل وطـــــــــیه

***

جاسم  محمد الحسّانی الساری

06/06/1391

 

ارد انصحک

 

حطلک اجناحات او طیر او لا تعــــود

عوف های الدنیا لل یکرم النـــــاس

انت ملّیت او ترکت المحسنــــــات

حیث لا عندک ضمیر او لا احساس

***

انت طیر او جنّحت لل شر یخــوی

انت متمرد علی الحگ و الضمیــــر

ما تعرف احقوق و انساب او حیات

امهلّس ابحقدک او بل جو ماتطیـر

***

صفی گلبک و الزعل احمگ علیه

لا تواسی الجاهل او دونک صغیر

جمل صایر و الصخل یفتر وراک

انکر الاصوات بس صوت الحمیر

***

اشما ترید ارفس او بطنک تبلــعه

لاکن البس للذی یرغب النــــاس

شوف بیت الخیرملتم بل اعیــــاد

و انت لالک عید لا خوه او اساس

***

اطلب الحگ حتی من طفل الرضیع

لا تجاهل بل ثقافه و النـــــــــظر

الشیب مو تاج الحقوق العادلــــه

المهم حب الله والعافاه انکســر

***

جاعد او شیطانک ایمصخر علیک

جنجفه تلعب او سکران او تدوس

عایف احبابک او جلباک الفگـــر

بل خباثه و التهم گلبک یحوس

***

یا گمر اشهد علی هذا الکــــــلام

او یا شمس رکزی علی مستقبــله

انگله جوز او سیر و الغیبه حـرام

یحفر الشر بل مکر یستعملـــــه

***

الدنیا خالی ابخیر صارت للجواد

عافت ابیوت او دیار امن البلــه

کلمن امدثر ابجچی القائـــلات

یضل مطرود الوطن چن حرمله

***

ارد انصحک یا رجل صحی الکلام

لو تچلب بل خصا او تفتـر وراه

وین ما راد الزمان اتتابعــــــه

لیل و انهارک تشافی من دواه

***

لا تخلبص بل غزل بسک یثـــــور

های دنیه اترید حب او عاطفــــه

اتعاملک هل ناس بخلاق او جمال

اتموت و اعمالک مثل للواصـــفه

***

جاسم محمد الجبیره الحسانی الساری

04/06/1391

دارمیات عتاب

 

 

لا اریدک او لا ارید دشتک علیه

بسم الفخر والطیب شفت المنیه

***

تابعتک او فرّیت وحدی عفتنــــــــی

یا بد وفه او بد ذات سمچه او صدتنی

***

چم مره ادش اعلیک شفت المنیه

حتی امن ادشه اردود تثگل علــیه

***

دمرت کل الناس بس انت ضلیت

لا خوا و لا اولاد بیمن تبگّیــــــت

***

ربّی یبعد الروح المن جبتـــــنی

غیر المرار او ضیم بیه عذبتنی

***

تلبد ابطن الدار شنهی الطلابــــه

اطلع او فک الباب واسکن ابغابه

***

وجهک گفل دکان او بطنک سدانه

عافتک کل الناس او داویتک آنـــه

***

روح او بعد لتعود ما ارید اشوفـــک

کرّهت کل اعضای هسه ارد اعوفک

***

اسمی ابصخره ارجوک، من گلبک امحیه

کرهیتک او ما ارید ، بیتک اطب لیـــــه

***

درب المحبه افلان مفتاحه یمـــک

لو کثّرت بل غیض سم او یسمک

***

حرمه صرت بل بیت او مرتک رجل لیش

تاخذ حچی الشمات من گلک اتعیـــــش

***

بارود اوج بل نار لو ضایگتنـــــی

احرگک ابدانت طوب لو هددّتنی

***

جاسم امحمد الجبیره الحسانی الساری

03/06/1391

 

تحلّفنی ......

تحلفّنی او صوتک بل گلب منثـــــور

نگعت حبته او خضرت ورداتــــــــــه

او کبر عود المحبه او صادقانی اسنین

گعدنه ابفیه و اتناولنه ثمراتــــــــــه

***

او مشینه اهوای برض الخیر من کل صوب

او شتلنه الخوه فوگ الجبل و اتونّــــــس

گلب ضامی ابحبه او ما ترک لل غیـــــــر

او علی فرگاک ضل بجفاک یتحمّـــــــس

****

انت اخضاره من طین الرمل صنعوک

ابنفخه تنکصر و اتهدّم اسنانــــــک

ما تشرب المای او للاکل متفیـــــد

الذهب و الفضه ماینباع بدنانــــک

***

علّمناک لبّسناک ثوب اجــــــــــدید

او حطیناک وسط الگعده تچایـــــــــه

ردتک کل سفینه او تبحر اویه الروج

ابدموع ارویک لو جف البحر مایــــه

***

جبت الخیزرانه و او سبحه و الدینار

هدیت اضلوع چبدی وآنه جدامک

تصیر الواجبات او تلبد ابهل کوخ

اشمالک خالفت ما صرنه خدامـک؟

***

صبرت اسنین ساکت ما اجر ونـــــــات

لا اگدر ادحلب لا افز بل گـــــــــــــوم

انتظرتک شاشه یمی اتصیر فوگ الراس

علامه اویای بس اتعذّر امن اللـــــــوم

***

لاکن دحلبت عنفش صرت یا اخــوی

لا تعتب ولا اتقبل اعتابــــــــــــــک

لان ما فیک خیر او تروی العطـشان

جفت منک الغیره او ملّت احبابــک

***

اچم طارش رسلته او گاومیته احذای

تربث بل کلام الما اله تالـــــــــــی

ابّناک الناس شکلک تایهه التفکیـر

الاخوا عند الاهل امذهب او غالـــی

***

اجریذی صرت نایم بل جحر یا تیس

انتظر یومک التتهم بیهه وردتنــــــه

العذاب اهناک بل آخره نتمنـــاک

الضراط اتشوفه نختم بیه خوتنـــه

***

جاسم امحمد الجبیره الحسانی الساری

04/06/1391

 

 

 

صرت عزرائیل

 

صرت عزرائیل قبّاض الــــــــــرواح

او صرت لحد و گبر للماچفـــــــنوه

او صرت دانه امجنزره ابطن الحدود

او صرت محراث ابسواد الدغمثــوه

***

اتعیل بل حایط او ما تدری اشتگول

او تتهم ابنیت البیت ابحاملــــــــه

یا سدانه انت ابیا دار ظـــــــــــال

اشمالک اتوز الصدیق القاتلــــــه

***

انعرفک امخنفس او بل دوغه تدور

حامل الحر والعطش و الدنــــدره

خلّفت مثلک امتیهین الطریــــــق

استدل منّه یا ازلیمه ابن المـــــره

***

گزّرت عمرک امحیّل لو نجیـــــب

اتعامل اصغیر او چبیر ابعفرتــــــه

السمع صوتک گال بس هذا جمیل

شوف ملبوسک قذر من زفرتــــه

***

و الحساده ساس بنیانه رچیـــــــــــــچ

و الکریم ایزیله ابنفخت کـــــــــــــلام

الناس عدهه اعیون و اعگول او تشوف

تعرف السایف امن الصاحب مقــــــام

***

الزلمه بیدر ما یعاین لل جریـب

اگعد او لا تندحس حدر المـــره

ایعدّی او یکرم او طایع للحقـوق

ما یخاف المره اتضربه ابقنـدره

***

ایطاوع ارسوم المحبه و المضیــف

او لا یطبلچ بل حچی او ما یسنـده

او لا یتربش بل خباثه  للعمــــام

النایم ابعیله ابندسه ایگعــــــده

***

لا یهین الناس مدرسة الکــــــــلام

و التکبّر منقله او بیهه فحــــــــــم

یحرگ الروح العزیزه ابهل افکار

ضال بس اعضام ما مچسی ابلحم

***

طشرتنه الله لا یرضا علیـــــــــک

تتهم اعیالک او خوانک اذنــــوب

جوز من العفرته و العاریـــــــات

وصل موتک طیع قرانک او توب

***

افلامک او تنظر او تسهر للصــــباح

تگطع الارزاق های المنظــــــــــره

تحرگ ابگلبک او تهجم بل خسوف

تدری بیهه چنهه تنکه امعطـــــره

***

النصیحه اویاک تچّی یمحفــــوظ

استغفر الرب و اندعی یغفر الک

حفنت اسنین التعدّت بل ذنوب

توب منهه خاطر ایسامحهه الک

***

تابع الزینین و اتعلّــــم ادروس

اگعد اویحباب گلبک بل سحـور

شوف کلهه الناس ملتمه عمـــام

و انت بزونه او علی الشحمه تدور

***

جاسم امحمد الجبیره الحسّانی الساری

03/06/1391

ارجعوا یا جماعه حبی ما ریده (گوله)

 

جوابی اویاک یا ملعون ودیته

او لتودون لی خطابه ماریــده

***

اجه خطاب لابس سترته مگلوب

ما یندل الحرثه یمشی ابیاصـوب

چنه یا جماعه من گبل مطلـوب

من ابعید ریحه عفنه شمیـــــته

ارجعوا یا جماعه حبی ماریـده

***

سبع اسنین ما شایف سبح بل مــای

امچلچ بل وصخ یتدنه یگعد جــای

اضروسه امطلّمه ماله دوا او دوّای

اچم مره یجی امکشخل او طردیته

ارجعوا یا جماعه حبی ماریـــده

***

راسه امکوش او ماکو مشط عنــــده

ادیه امحرمله یتجارن المـــــــــــدّه

الخشم طرگاعه طاحت علی چن غده

ریته بل گبر مطموم دفنیـــــــــــــته

ارجعوا یا جماعه حبی ماریـــــــده

***

ما تگدر تواجه ریحـــــته دولاب

چف رجله طویل ایشابه المحلاب

علّمته الف مره او ابد ما تـــــاب

من التعلوم و التربیه کرهیــــته

ارجعوا یا جماعه حبی ماریـــده

***

من امشی اویاه تتنادس علیه الناس

کثر بیه المرض والفکر والوسواس

راسه امدور ایشابه جدر و الطاس

لو ما اخافن الله بیدی خنگیــــته

ارجعوا یا جماعه ابد ماریـــده

***

جاسم امحمد الجبیره الحسانی الساری 31/05/1391