الف حکمه او حکمه

اخذ منّی اروایه بس احفظ شقــــــول

کلمه منقوله الک یبن العــــــــــرب

فی المجالس لو جوابک سر علیک

اسکت ابعزه السکوت امن الذهب

***

امنع الفاشل ضرر یثّر علیک

ما وصل للراده و احلامه او هلک

الهدف یتراجع او یکسر عظم ادیک

ابکل شهامه تابع المستقبلک

***

القسمه مکتوبه او خطر تخلف نظام

الراده ربّک غیره اصلا ما یصیر

و التباعد یشفی بسمات السلام

او طیر نصرک غیر صبرک مایطیر

***

و الکرامه و النصر صفنة شریف

ما منع معتاز لا خربط حچی

فرّح الجاهل او ساعد کل مریض

عالسعاده ابجاه ربّک منتچی

***

لا تمانع دمعة اعیونک حرام

لا تسح بدموع عینک تنتحر

اترک البچاک و امدمر الحیاة

و اترک الگلبک حنانک و افتخر

***

لا تقارب بقره من صوب الامام

او لا تمارس فرسه من خلف الرکوب

مو بعیده اتکتر ابکل الجهات

امن النذل اسف یسبب لک حروب

***

العقل من رب الکرم حاز المقام

و التعقّل ریبه منشوره ابفکر

احترم کل نظره او نظر و اسمع کلام

لا تعصب بالمجالس تنکسّر

***

سامح اخوانک او طوّر لک مسیر

لا تماشی کل شخص یضحک علیک

صیر عاشق و اعشق القلب اللطیف

او لا تعاشر یحرگ ابقلبک و ادیک

***

اعتمد باهل الغیره و اهل الاعتماد

لا تبیع اسرار گلبک للصدیق

اسمع ابدیوان و اکتم ما اقول

لا تذیع اوصاف حبک للشفیق

***

الناس شر الناس من قول اللسان

اتخلّق او جید المکارم خوتک

و احسب انساب البشر بالطاعسات

لا تعاشر کل خبیث ابعازتک

***

خالق الانسان بالضیق العسیر

ما یسد کل باب یفتح باب اله

لا تاییس و اکتم السادی علیک

هذا سر منّی ابخطاک اتحمله

***

و التکبّر نار کبری اعلی المقام

جرّب او ساوم کثیر ابعشرتک

عقلک ایدلیک حلّک و الحرام

و الگلب شاهد معیر ابطلبتک

***

انکر اهل القیل و القال اشتگول

و اشحکو و اشقالوا ابضدّک کلام

ذوله ناس اصغار متروکه العقول

نقص عدهم بالحسد و الانتقام

***

لو تواعد تابع الحد الختام

لا تجر ایدک او تجرح طلبتک

الوفا عند اهل الوفاء و اهل المقام

لا تساعد لو تاسی ابمنتک

***

العقل من ربک هدیه او مشتهیک

ربک الثانی ابسند یحکم حکیم

لا تضر الناس لا تخفی الحقوق

و اعتذر من کل نفس حر او مقیم

***

اعتمد بس لا تخفی حقدک یندعیک

صیر سدره و ابضلالک یعتنوک

دافع ابدرب الصدق واکسب ثواب

لا تعادی اهل الحقایق یسلبوک

***

الیدخل البیتک صدق یعتب علیک

عنده راده او بالدلایل ضایفک

لو هدایه او جای ینصح یندعیک

لو تزیل اهموم منّه او حایفک

***

کل بشر فکره اذا سده الزمان

امبشط السانه او فاتحله الطریق

من عقاب التهمه و اشباح السهام

لو تفهمه او ما یطاوع ما یفیق

***

بعض ناسک آخر انفاسه او یزول

جر نفس و اشکر جمال الصورّک

لا تدردم لا تذم لا تشکی حال

عیش باحلامک او رب الطورک

***

لو فنت دنیاک اصلا لا تخاف

خاف لا تتغیر الدنیا ابکمال

العمر یمشی او عین تربی الکل مسار

و ابضمیرک حاور او شوف الجمال

***

لا تغییر نفسک الخاطر صدیق

و الاصاله دمعه بعیونک تلوج

الدور دورک و افتح اعیونک تبوس

انت دره ابطن کل عاقل تموج

***

عوف کل مغرض او قاطع لک مجال

تابع احلامک او طوّر مهجتک

الله خالق کل بشر طبعه عجیب

ما یفیدک کل غریب ابعازتک

***

الاجل ودک مو ضرری افتر وراک

او اتبع ارسومک و اغطّی ابکذبتک

لا تعاند و الجبر جدا یشیب

روحی ملهوفه علیک او ندبتک

***

من دخل عشرة زمانک عانی لیک

ربک الخالق رسل لک هیبته

یاخذ ادروس ابمجالک مشتهیک

لو عزیز او راوی عندک عیشته

***

القسمه مکتوبه اعلی وجهک خط ادیک

و الدلیل الخالقک جاک ابخبر

عنده حکمه ابرادته للسادی بیک

نعتمد بالله او نطاوع له السفر

***

لا تدردم ذاک اجانی ابعینه نار

لیش ضرّانی ابکلامه او گعدته

العلم عندک لو صدیقک عنده عوز

اگطع ارباطک او تارک دشّته

***

لا تبوس اید التحل لک مشکلات

بوس اید الحل قضیته ابقدرته

صادق العاقل او ما زال الطریق

او لا تصافح کل لئیم ابشدته

***

افرح ابیوم الذی ینسر علیک

کمّل احلامک و اشفی ابخوتک

لا تخوط المای و اتصید الغمام

انت انت قوّی دار الربتک

***

و السکوت ایدل علی حب و حنان

لا ولا تقبل رضا عند السکوت

بعض سکته امن التعب و امن العذاب

اماییس ابسکته او یحاور بالقنوت

***

الله شاهد یعلم ابحالک یخوی

یدری من یسکن امامک و الشریک

اعتمد بالرب و اقبل ابمالک ینور

افرش، اکتم والّی من حبک یجیک

***

اقضی وکتک للذی حبک واجاک

ابکل مسائل تابعک و ایرحبّک

لا تذوب اوکاتک القاصب دواک

کالسراب اتشوف مایه ابعازتک

***

لا تتابع کلمن الیحقد علیک

تابع العنده ثقافه ابحوزته

والی ما عنده کل طاقه یصتفیک

ارد ابشرک شبه طیر ابشردته

***

و التسامح للقبر عز او امان

السامح اکبر من المسامح کثیر

صح گطعت الرجعه منه و العنان

و التسامح یا اخی ثوب الفقیر

***

من الشاعر:

جاسم ثعلبی (الحسّانی) 24/09/1394

15/12/2015